Jeremia 8:18 - MUKANDA USANDU WA ZAMBI 1975

¹⁸ Chinyengo chami chahiana chize mahasa kuwuka, mbunge yami yinayiji muchima liami.

Mukanda Wa Zambi 1970

¹⁸ Chinyengo chami kuchahashile kuhwa; ngunanenganyana kuhiana.

Jeremia 8:18 Iomraidhean Croise

Miaso (Masamu) 143:7

Yehova, tambuka ungukumbulule mumu Spiritu yami yinalezumuka. Kanda unguswekela meso je kuchina mungwalumuka kulifwa ni waze anapalumuka ku mbongo.

Izaya 22:4

Kashika nambile ngwami, Tewulukenu kuli yami, hanga ngulile masoji asasu. Kanda nuhondangana nikunguwumbijeka mumu ha kunonga cha mwana wa pwo atu jami.

Jeremia 23:9

Ha kutwala kuli aprofeta: Mbunge yami hiyafwa muchima, yifwaha yami yeswe yinachikima. Ngunapu ngwe umwe unazengewa, ngwe yoze vinyu hiyamukumba, mumu hali Yehova ni ha maliji jenyi asandu.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Lungungu 5:17

Ha chikuma chino mbunge jetu hijayiza; mumu ha yuma yino meso jetu halá,

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.