Jeremia 8:17 - MUKANDA USANDU WA ZAMBI 1975

¹⁷ Mumu talenu ngunatumu tupela hakachi kenu, fwiji aze kechi kuhasa kwahombola, mba kumakanusuma. Chocho kanambe Yehova.

Mukanda Wa Zambi 1970

¹⁷ Mwene Zambi kanambe ngwenyi: “Kanyamenu! Ngunatumu tupela mukachi kenu, kaali tupela a ulembe waze keeshi kuhasa kwahombola, kumaakanusuma.”

Jeremia 8:17 Iomraidhean Croise

Miaso (Masamu) 58:6

Zambi, pukula kama mazo jo mu kanwa. Yehova pukula mbwazo ja mievu ja ndumba.

Longeshi 10:11

Chamokomoko kuhombwesa kapela nyi hahanga kusuma shimbu kanda.

Izaya 14:29

Enu A-Filistea, kanda nuwahilila eswe, mumu mbwechi anulambile nayo hiyamakuka, alioze ku chikota cha lunoka mukusemuka fwiji, ni mwana wa iye makapwa toto.

Amose 5:19

ngwe kachi mutu machina ndumba mba matakana ni ursu. Hanji manjila mu zuwo mba ha kujamina ni kwoko ha yishimi kapela mamusuma.

Amose 9:3

Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Kwalula 21:6

Yehova yatuma tupela a kahia hakachi ka e atu. O yaasuma. Atu anji a kuli A-Izalele yafwa.

Shimbi 32:24

Makawangama ni zala. Makakuwa ni kusasaminya chá, ni yilungo ya utende. Mungwatuma mazo a ngongo ni utende wa tushitu a kukalala mu fufuta.

Usolwelo 9:19

Mumu tachi ja tuvwalu mujili mu makanwa jo, ni mu michila yo: mumu michila yo yalifwa ni tupela, kali ni mitwe, ni kakupinjisa nayo.