Jeremia 8:14 - MUKANDA USANDU WA ZAMBI 1975

¹⁴ Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Mukanda Wa Zambi 1970

¹⁴ Atu ja Zambi kaanalihula ngwo; “Ayenu, kuchi mba tunalihulika chichize nee? Tukatukenu, tuchinyine ku membo akukoleka, tukafwile ko, mumu Mwene Zambi hatutakwila kufwa; hatwaha ulembe usasu ha kunwa, mumu hitwamuvulumuna.

Jeremia 8:14 Iomraidhean Croise

2 Samuel 20:6

David yamba kuli Abishai ngwenyi, Haliapwila Shipa mwana Mbikiri matupinjisa kuhiana Absalome. Anda atu ja mwene we ukamuhange kuchina manjila mu yihunda ya kukolesa ni yipanga, akomboke kumeso jetu.

Miaso (Masamu) 39:2

Naholele ngwe kamama, chahanjikile chipwe yuma yipema, mba chinyengo chami chavundukile.

Miaso (Masamu) 69:21

Ha kulia chami nawa anguhele kasashisa; ha pwila yami anguhele vinagre ngukanwe.

Izaya 47:5

Ena mwana-pwo wa A-Kaletea, twama nikuhola, ukaye ku milima, mumu kechi kakutongola nawa ngwo, Mukwa kuyula mawanangana.

Jeremia 14:20

Yehova, tunatayiza ungulungulu wetu, ni uhenge wa tulamba twetu, mumu hitunakuvulumuna.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 23:15

Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 35:11

Alioze muze Nabukanezore mwanangana wa Babilonia wejile kwasa jita ni chifuchi chino twambile ngwetu, Tuyenu, tukandukenu ku Yerusaleme mumu ha woma wa tujita twa A-Kaletea ni tujita twa A-Seria. Kashika twatwama mu Yerusaleme.

Jeremia 9:14

hanakaula mbunge jo ene ni pami, nikukaula Ambale nikulita ni longeso lia tulamba two,

Jeremia 9:15

kashika Yehova-wa-Tujita mwe Zambi ya Izalele kanambe ngwenyi, Mungulisa e atu musase nikwaaha meya a kasashisa akanwe.

Lungungu 3:19

Iwuluka luyinda wami ni usasu wami, musase ni kasashisa.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Amose 6:10

Mba muze usoko wa mutu, yoze te mamwocha, mamuzundula kuchiza yifwaha mu zuwo, mamba kuli mukwo uli mwe muchima lia zuwo ngwenyi, Kwasala umwe mukwo nawa hamwe ni yena? Aye makumbulula ngwenyi, Ka. Mba mukwo mamba ngwenyi, Kala! Mumu kuchatutambile kuvuluka jina lia Yehova.

Habakuke 2:20

Alioze Yehova mwali mu tembele yenyi yisandu. Akwa hashi eswe akahole kumeso jenyi.

Zakaria 2:13

Enu akwa musunya weswe, holenu kúlú kumeso ja Yehova, mumu hakasumuka ku zuwo lienyi lisandu.

Mateu 27:34

ha kunwa amuhele vinyu chinge ni kasashisa: alioze muze te hayipanjika, kanwine.

Shimbi 29:18

Kuchina mukupwa mukachi kenu lunga, hanji pwo, hanji akwa jiko limwe, hanji munyachi, mbunge yenyi yinatewuluka musono kuli Yehova Zambi yetu, nikuya, nikuvumbika tuzambi twa mavungu aze, kuchina mukupwa mukachi kenu muji umwe unemi kasashisa ni musase.

Shimbi 32:32

Mutondo wa uva wo unakatuka ku mutondo wa uva wa Sondome kwe ku minda ya Ngomora. Uva jo ja utende yichakata yo yinasase.