Jeremia 8:13 - MUKANDA USANDU WA ZAMBI 1975

¹³ Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Mukanda Wa Zambi 1970

¹³ “Mala, te nazangile kukunga atu jami, ngwe chize mutu akukunga mbuto yenyi; alioze ayo kaali kwo ngwe mitondo ya vinyu yize kuyishi mihuko, hanji ngwe mukuyu uze kuushi makuyu, chibwe mafwo haalela. Ha chino hingunatayiza kuhana chifuchi cho kuli tundaka.”

Jeremia 8:13 Iomraidhean Croise

Izaya 5:10

Mumu munda wa uva wa kulima ni kumi lia kanga ja ngombe muwima *mbate yimuwika, ni njongo ya *homere yimuwika muyima *efa wika.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 14:15

Kashika Yehova kanambe ha kutwala kuli aprofeta waze anaprofeteza mu jina liami, chipwe yami chaatumine, waze anambe ngwo, Katana ni kapunga kechi keza ha chifuchi chino, ngwami, Wano aprofeta kumakanonga ni katana ni kapunga.

Jeremia 17:8

Aye kanapu ngwe mutondo wa kutumba ku meya, wa kutanda miji ku chitwetwe, kuuchi kwivwa woma muze chivukuminya muchiza, mumu mafwo jawo hindu mapwa a wisu. Kuuchi kulifwita mumu ha changa, mumu kuuchi kulitwamina kwima mihuko.

Jeremia 5:17

Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Ezekiel 22:31

Kashika yinguzukula hali ayo ufwatulo wami. Hinaanongesa ni kahia ka ufwatulo wami. Mwene Yehova kanambe ngwenyi, Hinafwetesa ndako jo ha mitwe yo ene.

Hosea 2:12

Mungukenyeka mitondo yenyi ya uva ni ya makuyu, yize ayambile ngwenyi, Fweto yami yenayo akwa zango liami anguhele. Mungukayipwisa usaki mba tushitu a mu yambu makayilia.

Joele 1:7

O hanenyeka mutondo wami wa uva. Hanamakuna mukuyu wami; hanauhulula nikuumbila; mitango yawo hanayitomesa tó.

Alevi 26:20

Munuhwisa tachi jenu mokomoko mumu mavu kechi kuhana tachi jo, ni mitondo ya chifuchi kuyichi kuhana mihuko yayo.

Habakuke 3:17

Chipwe mukuyu kuuchi kutemuna; chipwe miuva kuyishi mihuko; chipwe mihuko ya mitondo ya olevwe muyihona; chipwe minda kuyishi kupwa ni kulia; chipwe pembe ni panga masutuka ku limba ni ngombe akuhi mu matanga,

Hagai 1:11

Hinasanyika changa ha chifuchi, ni ha milundu, ni ha mbuto, ni ha vinyu yaha, ni ha maji, ni ha yuma yize mavu akwima, ni hali atu, ni hali yimuna, ni ha milimo yo yeswe.

Hagai 2:17

Nanulambile ni yenu ni milimo yenu ni mbongola, ni mbundu, ni chiwe, hindu kunwahilukile kuli yami. Chocho kanambe Yehova.

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.

Mateu 21:19

mba ha kumona mukuyu ku sesa lia jila, wakundamineko alioze kawanyineko nichimwe, shina mafwo wika; neye ngwenyi, Kanda ukema nawa mihuko ndo ku miaka ya mutolo. Haze hene mukuyu womine chau.

Tiangu (Jake) 1:11

Mumu tangwa mulivumbuka ni chivukuminya chalio, mulilelesa mwambu; ni chitemo chawo muchiholoka, ni upeme wacho muuhwa: chocho pichi nawa makajimuka mu mawende jenyi.