Jeremia 7:9 - MUKANDA USANDU WA ZAMBI 1975

⁹ Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Mukanda Wa Zambi 1970

⁹ Nwakwiya, nwakushiha, nwakulinga utanji, nwakulishinga ni mahuza, nwakulambula milambu kuli hamba Bale, nwakuwayila mazambi waze te kunwanyingikine.

Jeremia 7:9 Iomraidhean Croise

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

Kutuhuka 20:3

Kanda ukapwa ni tuzambi tweka kumeso jami.

Izaya 1:13

Kanda nuneha nawa milambu yamokomoko; insensu yakunguvwisa lwaji. Kakweji mwaha, ni masambata ni yikungulwila ya mitambi; Chahashile kumona nawa uhenge ni yikungulwila yilemu.

Izaya 58:2

Hindu kakungufupa tangwa ha tangwa, ni kuwaha ha kunyingika ndako jami, ngwe umwe munyachi wa kulinga ululi, ngwe kambilile shimbi ya Zambi yo. Kakungwita upatwilo wa ululi, kakuwaha ni kukundama kuli Zambi.

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 44:3

mumu ha ungulungulu uze alingile nikungwihia ngutenuke, ha kuya nikwocha insensu ni kulingila mazambi eka aze kaanyingikine, chipwe o, chipwe yenu, chipwe tulamba twenu.

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Jeremia 44:9

Hinwavulama ungulungulu wa tulamba twenu, ni ungulungulu wa mianangana ja A-Yunda, ni ungulungulu wa mapwo jo, ni ungulungulu wa yenwene, ni ungulungulu wa mapwo jenu, uze alingile mu chifuchi cha Yunda ni mu matapalo ja Yerusaleme?

Jeremia 48:35

Yehova kanambe ngwenyi, Mu Moape mungusulisa yoze wakulambula yitapo ha nangamo ni kwocha insensu ku zambi yenyi.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Ezekiel 18:18

Alioze ha kutwala kuli tato, se iye halia kuzo, heya kuli mukwo, halinga chize kuchapemene hakachi ka atu jenyi, aye kumakafwila uhenge wenyi.

Ezekiel 20:30

Kashika amba kuli akwa munyachi wa Izalele ngwe, Mwene Yehova kanambe ngwenyi, Munulichisa nikulita ni ndako ja tulamba twenu ni kupiasuka kukaula yuma yo ya lwaji?

Ezekiel 23:39

Mumu ha tangwa lize ashihile ana jo yitapo ya mahamba jo, ejile tangwa lio liene mu zuwo liami lisandu kulijilula. Chocho yalinga mu zuwo liami.

Ezekiel 5:11

Kashika Mwene Yehova kanambe ngwenyi, Ni mwono wami, se yenu hinwachisa zuwo liami lisandu ni yuma yenu yeswe ya kuvwisa kupiha, ni yuma yenu yeswe ya lwaji, kashika mungukanutepulula. Liso liami kulichi kanuvwila vumbi, chichi kanuvwila keke.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Amose 4:5

Lambulenu milambu ya kusakwila ya yuma ya futunwiso; tambikenu milambu ya mbunge, nukayambulule, mumu chocho nwakuzanga kulinga, enu A-Izalele. Chocho kanambe Mwene Yehova.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

A-ROMA 2:2

Mumu tunanyingika upatwilo wa Zambi kuunalite ni umwenemwene hali waze aku-linga yuma ngwe yino.

Shimbi 32:17

Alambwile milambu ku ndemoniu—hi tuzambi ko; te ku tuzambi katunyingikine nilimwe tangwa, te ku tuzambi hitwasoloka helu, atatenu katuvwilile woma nilimwe tangwa.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.

Akwa Kuyula 5:8

Muze asakwile mazambi aha, mba kwapwile jita mwe mu yikolo. Chipwe hakachi ka makumi awana a tununu twa atu mu Izalele, te mawana hanji lukepwe hanji kunga, nyi?