Jeremia 7:5 - MUKANDA USANDU WA ZAMBI 1975

⁵ Mumu nyi munupemesa majila jenu ni yitanga yenu pundu; nyi munulinga ni kulita umwe kuli mukwo ni mukwo,

Mukanda Wa Zambi 1970

⁵ “Alumukenu ku mbunge, litwaminenu ndako jenu jibi. Lilingenu yibema umwe ni mukwo.

Jeremia 7:5 Iomraidhean Croise

Izaya 1:19

Nyi munwononoka ni mbunge munukalia yipema ya chifuchi;

Izaya 16:3

Hanenu chiyulo, yulenu nikulita; chihuhumuke chenu tangwa ha muchima chikapwe ngwe ufuku pwi. Swekenu waze keshi chifuchi, kanda nukunjika waze anachina.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 22:15

Unamono ngwe uli mwanangana mumu wakweseka kuhiana akwenu ni sedru? Tatenu te kalile, kanwine, shimbu mapatula nikulita ni kulinga ululi? Miaka yize te kanawaha.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 7:3

Yehova-wa-Tujita mwe Zambi ya Izalele ngwenyi, Pemesenu majila jenu ni yitanga yenu, mba mungunutayiza kutwama kuma kuno.

Ezekiel 18:17

kakuchiza kwoko lienyi ku uhenge, keshi kutambula mbwezo hanji kulifumbula, kakuhinga shimbi jami nikwenda nikulita ni yiyulo yami; aye kechi kafwa ha uhenge wa tato, kumakatwama ni mwono.

Ezekiel 18:5

Nyi mutu kapwa mukwa ululi nikulinga chize chinalite ni shimbi, Chinalulama—

Ezekiel 18:8

keshi kuhana mbongo ha mbwezo hanji ha kulifumbula chimwe; kakuchiza kwoko lienyi ku uhenge; kakupatula ni ululi wamwenemwene hakachi ka mutu ni mutu;

Alevi 25:17

Kanda nulilaka umwe ni mukwo, alioze pwenu ni woma wa Zambi yenu. Mumu yami Yehova Zambi yenu.

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

Akwa Kuyula 21:12

Awanyine hakachi ka A-Njabeshe-Ngiliate kulakaji awana a ana-mapwo kanda achipomba ni lunga, yaaneha ku chilombo cha Shilo mu chifuchi cha Kanana.

Akwa Kuyula 5:1

Ha tangwa Henaho embile Debola ni Mbarake mwana wa Abinoame ngwo,