Jeremia 7:34 - MUKANDA USANDU WA ZAMBI 1975

³⁴ Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Mukanda Wa Zambi 1970

³⁴ Che chifuchi muchalumuka puya. Mu membo ja Yuda ni mu majila ja Yerusaleme keechi kevwa mo nawa milolo ya chiseke ni uwahililo ni ngunda ja uwahililo ja umbachiso.

Jeremia 7:34 Iomraidhean Croise

Jobe 3:7

Ewa, ufuku uze ukaseke; kanda evwamo liji lia uwahililo.

Miaso (Masamu) 78:63

Kahia kalalishile akweze jo. Ana-mapwo jo kapwile ni mwaso wa umbachiso.

Izaya 1:7

Chifuchi chenu chapwa cha hululu; yihunda yenu hanayocho ni kahia; yilambala kanali chifuchi chenu kwe kumeso jenu; chapwa cha hululu, ngwe hanachipupu kuli yilambala.

Izaya 3:26

Yajilo yako muyilila ni kulishimwoka; matwama hashi mumu hamupupa.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 16:9

Mumu Yehova-wa-Tujita Zambi ya Izalele kanambe ngwenyi, Munguteta kuma kuno kwe kumeso je, ni ha matangwa je, liji lia chiseke ni liji lia uwahililo, ni liji lia sandungi ni liji lia ndungi.

Jeremia 22:6

Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

Jeremia 25:10

Chikwo nawa munguchiza kuli ayo liji lia kuseha ni liji lia chiseke, ni liji lia sandungi ni lia ndungi, ni zungo lia kutwa, ni pangu lia ndeya.

Jeremia 27:17

Kanda nupanjika kuli ayo. Lingilenu mwanangana wa Babilonia nukatwame ni mwono. Kuchi te mapwisa chihunda chino kuchishi atu?

Jeremia 33:10

Yehova kanambe ngwenyi, Muno mwene enu nwakwamba ngwenu, Munapu mwa hululu, kumushi atu chipwe yimuna, ni mu yihunda ya Yunda, ni mu matapalo ja Yerusaleme muze munapu mwamokomoko, kumushi atu, chipwe akwa kutungako, chipwe yimuna, ngwami,

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Jeremia 4:26

Natalile, kumanyi chifuchi cha mihuko hichalumuka puya, yihunda yacho yeswe hanayipuzula, kumeso ja Yehova ni ufwatulo wenyi usasu.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 44:6

Kashika ufwatulo wami ni utenu wami hinauzukula ni kuusambiza mu yihunda ya Yunda ni mu matapalo ja Yerusaleme. Ayo hiyalumuka yamokomoko ni ya hululu ndo tangwa lia musono.

Lungungu 5:14

Makulwana hanehuka chikolo cha chihunda; akweze hanahichika miaso yo.

Ezekiel 26:13

Mungukakolesa kwimba cha miaso yenu; liji lia tulialia twenu kechi kalivwa nawa.

Ezekiel 7:11

Upupilo hiwalumuka mbwechi ya ungulungulu. Niumwe malisalaho, chipwe kulumbama cho, chipwe upite wo, chipwe ulemu hakachi ko.

Hosea 2:11

Mungusulisa chiseke chenyi cheswe, ni yiwanyino yenyi, ni yikungulwila ya kakweji mwaha ni masambata, ni yiwanyino yenyi yeswe ya kufunjika.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Mika 7:13

Alioze hashi muhapwa ha kwenyeka ha mukunda wa enyaho mumu ha mihuko ya yitanga yo.

Usolwelo 18:23

Ni pangu lia ndeya kulichi kapanguka nawa nichimwe muli yena; ni liji lia sandungi ni lia ndungi kechi kalivwa nawa nichimwe muli yena; mumu akwa kutalikila je apwile mahando ja hashi; mumu ni yipandapanda ye apiangwile mavungu eswe.