Jeremia 7:33 - MUKANDA USANDU WA ZAMBI 1975

³³ Mijimba ya afu ja vungu lino muyipwa kulia kuli tujila a mu tetela, ni kuli tushitu a mu yambu, ni kukuchi kupwa akwa kwayingila.

Mukanda Wa Zambi 1970

³³ Mijimba muyikabwa kulia cha tujila ni tushitu a mu yambu, niumwe kechi kabwa ko ha kwahuma.

Jeremia 7:33 Iomraidhean Croise

Izaya 18:6

Eswe maahichika hali tujila akulia yifwo mu milundu, ni hali tushitu a mu yambu. Tujila akulia yifwo matwamaho ha mwaka wa chivukuminya, tushitu a mu yambu matwamaho ha mwaka wa chishika.

Jeremia 12:9

Te chihinga chami chapwa ngwe kajila wa yipekayipeka wa kushiha yifwo? Tujila a kushiha yifwo hanamuseleka kulimika nenyi? Yako, ukakungulule tushitu eswe a mu yambu eze akawumbule.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 15:3

Yehova kanambe ngwenyi, Mungusa hali ayo yonwonyi awana ngwami, Katana kushiha, ni tuwa kuwumbula, ni tujila a mu tetela, ni tushitu a hashi kulia ni kwonwona.

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 22:19

Mamufunda ngwe kufunda cha chimbulu, cha kumumbulumuna haze lia yikolo ya Yerusaleme.

Jeremia 25:33

Waze maashiha kuli Yehova ha tangwa lize mapwa chize ku songo limwe lia hashi ndo ku songo likwo. Kechi kaalila, chipwe kwakunga, chipwe kwafunda, alioze mapwa ngwe wilo ha mavu.

Jeremia 34:20

mungwakunjika kuli akwa kole jo ni kuli waze anazange kwashiha. Mijimba yo muyipwa kulia kuli tujila a mu tetela ni kuli tushitu a mu yambu.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Jeremia 9:22

Amba ngwe, Yehova kanambe ngwenyi, Mijimba ya malunga afu muyilimbuka hashi ngwe wilo. Muyiholoka ngwe yichita kuli mukwa kucha, mba niumwe mayanda,

Ezekiel 29:5

Mungukakumbila mu puya, ni yena ni yishi eswe a mu njiji je; kumunukalimbukila mu yambu, kechi kunukunga hanji kunufunda. Hinanuhana kuli tushitu a hashi ni tujila a mu tetela nukapwe kulia kuli ayo.

Ezekiel 39:4

Kumukalimbukila ha milundu ya Izalele ni yena ni yihuji ye yeswe ni mavungu aze eswe uli no. Mungukakuhana kuli tujila a milali yeswe akulia yifwo, ni kuli tushitu asasu, akakulie.

Shimbi 28:26

Mijimba yenu muyikapwa kulia cha tujila eswe a ha tetela, ni cha tushitu ali hashi. Kukuchi kapwa niumwe wa kwahuma.

Shimbi 8:20

Enu nawa munukakuwa ngwe mavungu aakuwishile kuli Yehova kumeso jenu mumu te kunusolo kupanjika liji lia Yehova Zambi yenu.