Jeremia 7:31 - MUKANDA USANDU WA ZAMBI 1975

³¹ Hanatungu nangamo lia Tofete lize lili mu mungulunga wa mwana wa Hinome, akalumbe ana jo a malunga ni a mapwo mu kahia, chuma chachitumine, kuchanjilile mu mbunge yami.

Mukanda Wa Zambi 1970

³¹ Haatunga chilumbilo mu chikulo cha Hinome chize akuvuluka ngwo Tofete, hanga ahase kulambwila ho ana jo a malunga ni a mapwo mu kahia. Alioze yami chaalwezele ko kuchilinga, Chuma chino chibwe mu manyonga jami ku chishimo.

Jeremia 7:31 Iomraidhean Croise

1 MIANANGANA 17:17

Apalikishile mu kahia ana jo a malunga ni a mapwo. Atahile ngombo ni kukwata ku yuma ya umbanda. Alilanjishile kulinga chipi kumeso ja Yehova akamwihie atenuke.

1 MIANANGANA 23:10

Yachisa nawa Tofete yize yapwile mu chikulo cha A-Hinome hanga niumwe mapalikisa mwanenyi wa lunga hanji wa pwo mu kahia kuli Moleke.

1 MIANANGANA 23:20

Yashiha ha yilumbilo asasendote eswe a manangamo awanyineko, nikwochelaho yifwaha ya afu. Mba yahiluka ku Yerusaleme.

2 Sango Ja Mianangana 28:3

Chikwo nawa wochelele insensu mu chikulo cha mwana Hinome, ni kwocha ana jenyi mu kahia, nikulita ni yizelwokeso ya akwa mavungu waze Yehova wambilile kumeso ja A-Izalele.

2 Sango Ja Mianangana 33:6

Wapalikishile ana jenyi mu kahia mu chikulo cha mwana wa Hinome. Walingile nawa yuma ya munanyi, ni ya umbanda, ni ya wanga; wayile kuli akwa mahamba ni akwa tufutafuta. Walingile yipi yinji kumeso ja Yehova kumwihia ku utenu.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 57:5

Nwakusasaminya ni usolo hakachi ka carvalho, mushi lia mutondo weswe wa wisu; enu nwakushiha ana jenu mu yikulo, mu yivwenge ya mawe.

Jeremia 19:2

ukatuhuke ku mungulunga wa Bene-Hinome ku unjililo wa chikolo cha Chiyo-cha-ndeho, wambulule maliji aze mungukulweza.

Jeremia 2:23

Kuchi muhasa kwamba ngwe, Chalichishile, chakawile Ambale? Tala jila ye mu chikulo; nyingika chize hiwalinga ngwe chimbembe cha kamelu kanapinji ni kulikonekakoneka.

Jeremia 32:34

Amikine yizelwokeso yo mu zuwo lino alilukile ni jina liami, hanga akalichise.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Ezekiel 16:20

Wanjile ana je a malunga ni a mapwo aze wangusemene ni kwahana milambu kuli ayo akaahe. Ukoi we te wakeha naye,

Ezekiel 20:26

Yingwachisa ku yawana yo ha kwakoka kulambula mu kahia atangu jo eswe kusemuka hanga ngukaavwise lwaji. Yinguchilinga hanga akanyingike yami nguli Yehova.

Ezekiel 20:31

Ha kuhana milambu yenu, ni kulambula anenu a malunga mu kahia nwakulichisa ni mahamba jenu eswe ndo musono. Mba mungutá nukanguhule, enu akwa munyachi wa Izalele? Mwene Yehova kanambe ngwenyi, Ni mwono wami, chichi kutá nukahule kuli yami.

Alevi 18:21

Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Mika 6:7

Yehova mevwa kuwaha ni tununu twa kuji a mapanga hanji ni kumi lia tununu a njiji ja maji? Munguhasa kuhana mwanami mutangu ha mutonga wami hanji muhuko wa mujimba wami ukafwike shili ya mbunge yami?

Shimbi 12:31

Kanda nulinga chocho kuli Yehova Zambi yenu, mumu yizelwokeso yeswe Yehova anayivwila lwaji, o te hanalingi ku tuzambi two; mumu o, chipwe ana jo a malunga ni ana jo a mapwo anaochela kuli tuzambi two.

Shimbi 17:3

te haya ni kuvumbika tuzambi tweka, hatuwayila, chipwe hawayita tangwa chipwe kakweji, chipwe chimwe cha chizavu cha malilu chanwambileyo,

Shimbi 18:10

Kanda awana kuli yenu niumwe yoze masa mu kahia mwanenyi wa lunga hanji mwanenyi wa pwo, chipwe tahi, chipwe mukwa munanyi, chipwe mukwa kupanda, chipwe chimbanda,

Yoshua 15:8

Mba njiza yakandukila ku chikulo cha mwana wa Hinome nikulisesa ni mulundu wa Yepushe ku Sule (acho ngwami, Yerusaleme). Njiza yakanduka ndo ku songo lia mulundu uze watalangana ni chikulo cha Hinome ku Chitokelo, sali lia ku Norte lia chikulo cha Refane.