Jeremia 7:30 - MUKANDA USANDU WA ZAMBI 1975

³⁰ Yehova kanambe ngwenyi, Ana ja A-Yunda halinga chipi kumeso jami. Hanase yuma yo ya lwaji mu zuwo lize haliluka jina liami, akalichise.

Mukanda Wa Zambi 1970

³⁰ “Ayuda haalinga Chuma chibi. Haasa mahamba jo, waze nakuvutwokela, mu zuwo liami, haalipwisa lia luchisa.

Jeremia 7:30 Iomraidhean Croise

1 MIANANGANA 21:3

Watungile cheka nawa manangamo aze tato Hezekia wapuzwile. Watungile yilumbilo kuli Mbale; walingile umwe Ashera ngwe Ahabe mwanangana wa Izalele. Wawayilile mbunga yeswe ya mwilu nikwalingila.

1 MIANANGANA 21:4

Watungile yilumbilo mwe mu zuwo lia Yehova kuze Yehova te hamba ngwenyi, Mu Yerusaleme mungusa jina liami.

1 MIANANGANA 21:7

Wamikine kaponya umwe wa kwola wa Ashera mu zuwo lize Yehova wambile kuli David ni kuli mwanenyi Solomone ngwenyi, Mungusa jina liami ndo ku miaka yeswe mu zuwo lino mwe mu Yerusaleme, kuno natongwele hakachi ka mavungu eswe a Izalele.

1 MIANANGANA 23:12

Yilumbilo yize yapwile ha fulumba ya zuwo lia Ahaze lia kwilu, yize te mianangana ja A-Yunda halinga, ni yilumbilo yize Manase halinga mu maze aali a zuwo lia Yehova, mwanangana yayinungwinako, yayifwenya nikumbila we wunga wayo mu chitwetwe cha Kendrone.

2 Sango Ja Mianangana 33:15

Yachiza mazambi a yilambala, ni kaponya mu zuwo lia Yehova, ni yilumbilo yeswe te hatunga ha mulundu wa zuwo lia Yehova, ni mu Yerusaleme, mba yayimbila haze lia chihunda.

2 Sango Ja Mianangana 33:3

Mumu watungulwile manangamo aze tato Hezekia wapuzwile. Yatunga nawa yilumbilo ya Ambale; yatunga nawa Ashera nikuwayila mbunga yeswe ya mwilu nikwalingila.

2 Sango Ja Mianangana 33:7

Kaponya wa kwola wa hamba yoze halinga, yamusa mu zuwo lia Zambi lize te Zambi waliambile kuli David ni kuli mwanenyi Solomone ngwenyi, Mu zuwo lino, mwe mu Yerusaleme binatongola hakachi ka minyachi yeswe ya Izalele, muno mungusa jina liami ndo ku miaka ya mutolo.

Izaya 66:4

Yami nawa mungwatongwela luyinda; mungukoka hali ayo yize akuyivwila woma. Mumu ha kusanyika chami, niumwe kakumbulwile; ha kuhanjika chami, niumwe kapanjikile. Alioze alingile chipi kumeso jami; atongwele yize yami Chawahililile nayo.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Jeremia 32:34

Amikine yizelwokeso yo mu zuwo lino alilukile ni jina liami, hanga akalichise.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Ezekiel 7:20

Yuma yo ya uhenya ayitengele ya kulilengela nayo; alingile nayo tuponya two a lwaji ni yuma yo ya kuvwisa kupiha, kashika munguyipwisa yuma ya luchisa kuli ayo.

Ezekiel 8:3

Yazoza kulifwa cha kwoko, yangukwata ku kambu ja mutwe wami, mba Spiritu yanguzundula hakachi ka hashi ni lilu nikungutwala mu usolwelo wa Zambi ku Yerusaleme, kwe ku unjililo wa chikolo cha yize ya muchima chize chatalikisa ku Norte. Kwenako kwatwama chitwamo cha kaponya ka ukwa, yoze wakuvundula ukwa.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.