Jeremia 7:3 - MUKANDA USANDU WA ZAMBI 1975

³ Yehova-wa-Tujita mwe Zambi ya Izalele ngwenyi, Pemesenu majila jenu ni yitanga yenu, mba mungunutayiza kutwama kuma kuno.

Jeremia 7:3 Iomraidhean Croise

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

Ezra 10:11

Kashika shikisenu kuli Yehova Zambi ya tulamba twenu nukalinge upale wenyi, nukalihandu-nune kuli mavungu a chifuchi ni kuli mapwo yilambala.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Jeremia 17:25

nyi chocho mba kumukunjilila ku yikolo ya chihunda chino, mianangana akwa kutwama ha ngunja ya David, nikwenda mu matemba ni ha tuvwalu, o ni alemu jo, malunga a Yunda, ni akwa Yerusaleme, mba chihunda chino kumuchikapwa ni atu ndo ku miaka.

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 26:13

Kashika pemesenu ndako jenu ni yitanga yenu, nukononoke ku liji lia Yehova Zambi yenu, mba Yehova malikonyeka ha chuma chino chikalu hamba kulimika ni yenu.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 35:16

Ana ja Jonadabe mwana Rekabe hafunga shimbi yize kalamba ko waahele, alioze vungu lino kuliangwononokenene.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.