Jeremia 7:28 - MUKANDA USANDU WA ZAMBI 1975

²⁸ Muwamba kuli ayo ngwe, Wano e atu kononokene ku liji lia Yehova Zambi yo, katambwile lufumbo; umwenemwene hiwatoka, hauteta ku mivumbo yo.

Mukanda Wa Zambi 1970

²⁸ Muwaalweza ngwe, vungu lio keeshi kungwononokena, yami Mwene Zambi yo, hanji kulilongesa ku lamba lio. Umwenemwene hiunahu, hikeechi kuta nawa pande.

Jeremia 7:28 Iomraidhean Croise

Miaso (Masamu) 12:2

Mweswe kakuhanjika yuma yamokomoko kuli mwenyembo wenyi. Kakuhanjika ni mivumbo ya kupepieka, ni mbunge jiali.

Miaso (Masamu) 50:17

Se kwazangile lufumbo, wakumbila kunyima maliji jami.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Izaya 30:9

Mumu o kapwa vungu lia uhulia, ana ja mahuza, ana aze kechi kwivwa kufumba cha Yehova.

Jeremia 11:10

Hanahilukila uhenge wa tulamba two, waze katayile kwivwa maliji jami. Hanakaula mazambi akwo akaalingile. Munyachi wa Izalele ni munyachi wa Yunda hanatangula usendo uze nalingile ni tulamba two.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 5:1

Zomboka mu matapalo ja Yerusaleme sali ni sali. Tala kanawa uzewule. Fupa mu malindalinda jenyi nyi muhasa kuwana lunga umuwika, yoze wakulinga chize chinalite, kakufupa umwenemwene; hanga ngukonekene chihunda.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Jeremia 6:28

Eswe anapu akwa kukolema a pami, nikwenda ni kulamikiza Kapwa ngwe unengu ni utale, eswe kanalingi ni ungulungulu.

Jeremia 6:8

Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Zefania 3:2

Kapanjikile ku liji nilimwe, katayile kumufumba, kafulielele Yehova, kakundamine kuli Zambi yenyi.

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.