Jeremia 7:27 - MUKANDA USANDU WA ZAMBI 1975

²⁷ Kashika muhanjika maliji wano eswe kuli ayo, alioze kechi kukupanjika. Mutambika kuli ayo, alioze kechi kukukumbulula.

Mukanda Wa Zambi 1970

²⁷ “Kashika, yena Jeremia, muuhanjika maliji wano eswe kuli atu jami, alioze keechi kukubanjika; muwaatambika, alioze keechi kukumbulula.

Jeremia 7:27 Iomraidhean Croise

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Izaya 65:12

Mungunufunjikila katana, yenu eswe munuhetamina ku kufwa. Mumu ha kutambika chami, kunwakumbulwile, ha kuhanjika chami, kunwapanjikile. Alioze nwalingile chipi kumeso jami, nwatongwele chize yami Chawahililile nacho.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 26:2

Yehova kanambe ngwenyi, Manyina mu yize ya zuwo lia Yehova ukahanjike kuli akwa yihunda yeswe ya Yunda waze akwiza kuwayila mu zuwo lia Yehova maliji eswe mungukwaha kuhanjika no. Kanda uhichika chipwe liji limuwika.

Zakaria 7:13

Yehova-wa-Tujita kanambe ngwenyi, Yami naasanyikine, o katayile kupanjika; chocho nawa o asanyikine ni yami chatayile kupanjika.

Yilinga 20:27

Mumu chalitwaminyine kwambujola kuli yenu mana eswe a Zambi.