Jeremia 7:26 - MUKANDA USANDU WA ZAMBI 1975

²⁶ hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Mukanda Wa Zambi 1970

²⁶ Chibwe chocho, niumwe hanabanjika hanji hanakanyama, alioze hinunabu yihulia ni akwa pami kuhiana tushakulu twenu.

Jeremia 7:26 Iomraidhean Croise

1 Yitanga Ya Mianangana 14:22

A-Yunda alingile chipi kumeso ja Yehova. Yamwihia ku ukwa ni milonga yo yize avulumwine kuhiana yize ya tulamba two.

1 Yitanga Ya Mianangana 14:9

Alioze ena hiwalinga chipi kuhiana eswe akutetekelele. Hiwaya nikulinga mazambi akwo, ni tuponya twa kuzuzulula ukangwihie ku utenu. Hiwangumbila kunyima ye.

1 MIANANGANA 17:14

Hindu kasolo kwivwa. Akwachile pami ngwe tulamba two alingile, waze kafulielele Yehova Zambi yo.

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

2 Sango Ja Mianangana 30:8

Kanda nukwata pami haliapwila ngwe tulamba twenu; liechenu kuli Yehova. Njilenu mu zuwo lienyi lisandu lize hasela ku usandu wa mutolo, nukalingile Yehova Zambi yenu, hanga utenu wenyi usasu unukatuke.

2 Sango Ja Mianangana 33:10

Yehova wahanjikile ni Manase ni kuli atu jenyi alioze kapanjikile.

2 Sango Ja Mianangana 33:23

Kalilelesele kumeso ja Yehova ngwe tato Manase walilelesele, alioze yono Amone wawezelele Utanguko helu nawa.

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Izaya 48:4

Se ngunanyingika nuli akwa pami, kota jenu japwa ngwe mujipwa wa utale, ni mahuma jenu ngwe unengu,

Izaya 5:4

Chuma chasalako chika munguhasa kulinga nawa ha munda wami wa uva? Muze nataliletalile ukeme uva kuchi te wemine uva ja mu yambu?

Jeremia 11:8

Hindu kononokene chipwe kutela matwi, alioze mutu mweswe wendele ni pami ja mbunge yenyi yipi. Kashika naakokelele maliji eswe a usendo uno naatuminyine, alioze kaalingile.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 25:3

Makumi aali a miaka ni miaka yitatu (chize ku mwaka kumi ni tatu wa Josia mwana Amone mwanangana wa Yunda ndo musono) liji lia Yehova liakwizaza kuli yami, ni yami hinahanjika kuli yenu nikulimenyeka nikuhanjeka, hindu kunwapanjikile.

Jeremia 25:7

Yehova kanambe ngwenyi, Hindu nwangupangula hanga nungwihie ni yitanga ya moko jenu, nulilumbule.

Jeremia 26:5

nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Jeremia 29:19

mumu kapanjikile maliji jami, Yehova ngwenyi, Nalikolezele kutuma ni tuvumbi twami aprofeta alioze kunwapanjikile.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 34:14

Ha mwaka wamuchishimbiali munutusula Ka-Hepreu ni mukwenu mweswe hinwalanda mba hanulingila miaka yisambano. Chanutamba kumutusula ku milimo yenu. Alioze tulamba twenu kapanjikile chipwe kutela matwi.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 44:16

Ha kutwala ku liji lino watwaha mu jina lia Yehova, kutuchi kukupanjika.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:10

Kuli iya munguhasa kuhanjika nikumutoweza hanga akangwivwe? Matwi jo hanajiki, kahashile kupanjika. Liji lia Yehova liapwa kuli ayo chuma cha kulelesa, kawahililile nalio.

Jeremia 6:17

Nanuselele tulayi ngwami, Nupanjike ku liji lia chitavwi. Alioze o ambile ngwo, Kutuchi kupanjika.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Jeremia 9:13

Ni Yehova kanambe ngwenyi, Mumu hanehuka shimbi yami yize nasele kumeso jo, kononokene ku liji liami chipwe kwenda nikulita nalio,

Ezekiel 12:2

Mwana mutu, kuwatwama hakachi ka munyachi wa yihulia. Kali ni meso a kumona no, alioze kamwene. Kali ni matwi a kwivwa no, alioze kevwile, mumu kapwa munyachi wa yihulia.

Ezekiel 12:3

Kashika, yena mwana mutu, lilulikile yikwata ya njize ukaye ku unjize ha mwalwa kumeso jo. Mukatuka kuma kwe ukaye unjize kuma kweka kwe kumeso jo. Hanji muchialumbunuka chipwe kapwa munyachi wa yihulia.

Ezekiel 20:30

Kashika amba kuli akwa munyachi wa Izalele ngwe, Mwene Yehova kanambe ngwenyi, Munulichisa nikulita ni ndako ja tulamba twenu ni kupiasuka kukaula yuma yo ya lwaji?

Daniel 9:6

Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.

Malaki 3:7

Chize ku matangwa ja tulamba twenu hinwahambuluka ku shimbi jami, kunwaatungile. Hilukenu kuli yami, ni yami munguhiluka kuli yenu. Chocho kanambe Yehova-wa-Tujita. Alioze yenu nwakwamba ngwenu, Tuhiluke kuchi?

Mateu 21:38

Alioze njimi, muze amwene mwanenyi, aliambile hakachi ko ngwo, Yono mwe swana, tumushihenu, tukatambule chihinga chenyi.

Mateu 23:32

Ni yenu nwakuzalisa njongo ya akakenu.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

Shimbi 8:20

Enu nawa munukakuwa ngwe mavungu aakuwishile kuli Yehova kumeso jenu mumu te kunusolo kupanjika liji lia Yehova Zambi yenu.