Jeremia 7:25 - MUKANDA USANDU WA ZAMBI 1975

²⁵ Chize ku tangwa lize tulamba twenu akatukile ku chifuchi cha Engitu ndo musono, chahonene kutuma tuvumbi twami aprofeta kuli ayo tangwa ha tangwa;

Mukanda Wa Zambi 1970

²⁵ Chize ku tangwa lize tushakulu twenu atuhukile mu Egiptu ndoo musono nakutumatuma tuvumbi twami ni akwa munanyi kuli yenu.

Jeremia 7:25 Iomraidhean Croise

2 Sango Ja Mianangana 24:19

Yehova yatuma aprofeta kuli ayo akaakoke kuli iye nikwashindakenya, alioze kapanjikile.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Ezra 9:7

Chize ku matangwa ja tulamba hitwahia pundu ndo musono; mba ha uhenge wetu, yetu ni mianangana jetu, ni asasendote jetu, hanatukunjika ku moko ja mianangana ja yifuchi ku katana, ni ku ufunge, ni kutupupa, ni kutuhepwisa chize chapwa musono

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Nehemia 9:30

Alioze miaka yinji walihumikijine no. Waashindakenyene kuli Spiritu ye muli aprofeta. Hindu kasolo kwivwa, kashika waakunjikile mu moko ja mavungu a yifuchi.

Izaya 5:4

Chuma chasalako chika munguhasa kulinga nawa ha munda wami wa uva? Muze nataliletalile ukeme uva kuchi te wemine uva ja mu yambu?

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 25:3

Makumi aali a miaka ni miaka yitatu (chize ku mwaka kumi ni tatu wa Josia mwana Amone mwanangana wa Yunda ndo musono) liji lia Yehova liakwizaza kuli yami, ni yami hinahanjika kuli yenu nikulimenyeka nikuhanjeka, hindu kunwapanjikile.

Jeremia 25:4

Kunwapanjikile chipwe kutela matwi jenu, chipwe Yehova hatumatuma kuli yenu tuvumbi twenyi aprofeta eswe ngwenyi,

Jeremia 29:19

mumu kapanjikile maliji jami, Yehova ngwenyi, Nalikolezele kutuma ni tuvumbi twami aprofeta alioze kunwapanjikile.

Jeremia 35:14

Shimbi yize Jonadabe mwana Rekabe hahana kuli ana jenyi kanda akanwa vinyu, hanayifungu kayinwine ndo musono, mumu hononoka ku shimbi ya kalamba ko. Ni yami hinahanjeka kuli yenu alioze kunwangupanjikile.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Ezekiel 2:3

Yamba kuli yami ngwenyi, Mwana mutu, ngunakutumu kuli A-Izalele, vungu lia yihulia waze hanangukatukila, o ni tulamba two hanguvulumuna ndo tangwa lino lia musono.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 12:10

Yami nahanjikile kuli aprofeta; yami nokesele usolwelo, nikuhana yishima ku makanwa ja aprofeta.

Amose 2:11

Nazundwile amwe hakachi ka ana jenu akapwe aprofeta, ni amwe hakachi ka akweze jenu akapwe Anazireu. Yehova kanambe ngwenyi, Hi chocho ko, enu A-Izalele?

Malaki 3:7

Chize ku matangwa ja tulamba twenu hinwahambuluka ku shimbi jami, kunwaatungile. Hilukenu kuli yami, ni yami munguhiluka kuli yenu. Chocho kanambe Yehova-wa-Tujita. Alioze yenu nwakwamba ngwenu, Tuhiluke kuchi?

Luka 11:49

Kashika nawa mana ja Zambi ambile ngwo, Mungukatuma kuli ayo aprofeta ni apostolo; mba amwe a kuli ayo makaashiha, nikwahungumiona;

Shimbi 9:7

Iwulukenu, kanda nuvulama ngwe yenu nwehile Yehova Zambi yenu mu puya, chize ku tangwa nwakatukile ku chifuchi cha Engitu, ndo nwahetele kuno, enu kunwakolema Yehova.