Jeremia 7:24 - MUKANDA USANDU WA ZAMBI 1975

²⁴ Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Mukanda Wa Zambi 1970

²⁴ Alioze koononokene ko chibwe kukanyama. Alioze yaalinga cheswacho azangile ni pami ni mbunge jo jibi, mba yaalilimuna liakulu.

Jeremia 7:24 Iomraidhean Croise

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Miaso (Masamu) 81:13

Atu jami, kachi mangwivwa! Izalele, kachi menda mu majila jami!

Jeremia 13:10

Akwa vungu lino lipi, kasolo kwivwa maliji jami, kakwenda ni pami ja mbunge jo, hanakaula mazambi akwo kwalingila ni kwawayila, kumakapwa ngwe hina lino kuliatelele milimo niyimwe.

Jeremia 13:11

Mumu chizechene ngwe hina Makukwata ku mujimba wa mutu, chocho nawa yami hinakwachisa kuli yami munyachi weswe wa Izalele ni munyachi weswe wa Yunda; chocho kanambe Yehova, hanga akapwe kuli yami atu jami, ni jina, ni uhaliso, ni uhenya, alioze kapanjikile.

Jeremia 15:6

Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Jeremia 16:12

Ni yenu hinwawana tulamba twenu, mumu mweswe kanakaula upale wenyi mwene upi ni wa pami, kasolo kungwivwa.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Jeremia 18:10

nyi muulinga chipi kumeso jami kuwapanjikile ku liji liami, mba mungwalumuka ku chipema chize namba kuulinga.

Jeremia 18:12

Ahoze o anambe ngwo, Acho chamokomoko. Mutukaula chize hitwapala, ni mutu mweswe malinga nikulita ni pami ja mbunge yenyi yipi.

Jeremia 2:27

Waze akutongola mutondo ngwo, Uli tata. Ku liwe mamba ngwo, Wangusemene. Mumu hangumba nyima, kangutalikishile meso jo. Hindu ha mwaka wa lamba lio kakwamba ngwo, Katuka utulamwine!

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Jeremia 9:14

hanakaula mbunge jo ene ni pami, nikukaula Ambale nikulita ni longeso lia tulamba two,

Ezekiel 20:13

Alioze akwa munyachi wa Izalele yangukatukila mu puya; kendele mu yiyulo yami, yalituna shimbi jami jize mutu matwama ni mwono ha kujifunga. Masambata jami aajilwile chikolo. Yingunyonga kwazukwila ufwatulo wam mu puya ngukaamanunune lume.

Ezekiel 20:16

mumu alitunyine shimbi jami, kendele mu yiyulo yami, ajilwile masambata jami, mumu mbunge jo jakawile mahamba.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Ezekiel 20:8

Alioze yangukatukila, kasolo kungupanjika. Niumwe mutu kambilile yuma yize ya lwaji kayipalikilile meso jenyi, chipwe kwehuka mahamba ja Engitu. Yingu nyonga ngwami, Munguzukula ufwatulo wami hali ayo ni kuhwisa utenu wami hali ayo hakachi ka chifuchi cha Engitu.

Daniel 9:6

Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Hosea 10:6

Ewa che chuma chene makachimbata ku Asuria akachitenge mulambu kuli mwanangana wa kulitachika. Makakolesa Eframe sonyi; Izalele makevwa sonyi ha punga yenyi.

Hosea 4:16

Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.

Shimbi 29:19

Kuchina ha kwivwa maliji a shingo lino, maliwahisa mwene mu mbunge yenyi ngwenyi, Mungupwa ni sambukila, chipwe mungwenda ni pami ja mbunge yami, ku pwila yami munguweza kuzengewa.