Jeremia 7:23 - MUKANDA USANDU WA ZAMBI 1975

²³ Alioze naahele shimbi yino ngwami, Ononokenu ku liji liami mba mungupwa Zambi yenu ni yenu munupwa atu jami. Endenu mu jila yeswe mungunwamba hanga chikapwe kanawa ni yenu.

Mukanda Wa Zambi 1970

²³ Alioze naambile angwononokene, mba hanga ngubwe Zambi yo, no abwe atu jami. Naambile alinge ngwe chize ngunaambe, hanga awahe kwo.

Jeremia 7:23 Iomraidhean Croise

Jobe 36:11

Nyi mapanjika nikumulingila mba mamanuna matangwa jo nikuwaha, ni miaka yo ni yuma yipema.

Miaso (Masamu) 119:3

Chipwe uhenge keshi kuulinga; kakwenda mu majila jenyi.

Miaso (Masamu) 40:6

Kushi kuwahilila ni yitapo ni milambu. Matwi jami hiunaajikula. Milambu ya kulumba ni milambu ha shili kwayifupile.

Miaso (Masamu) 81:13

Atu jami, kachi mangwivwa! Izalele, kachi menda mu majila jami!

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 16:32

Mose yamba ngwenyi, Achi chuma chino ambile Yehova ngwenyi, Tulikilenu yisemuko yenu kachisoka ka tò nayo, hanga akatale kulia chino nanulishile mu puya muze nanuchijile ku chifuchi cha Engitu.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 13:11

Mumu chizechene ngwe hina Makukwata ku mujimba wa mutu, chocho nawa yami hinakwachisa kuli yami munyachi weswe wa Izalele ni munyachi weswe wa Yunda; chocho kanambe Yehova, hanga akapwe kuli yami atu jami, ni jina, ni uhaliso, ni uhenya, alioze kapanjikile.

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 38:20

Jeremia yamba ngwenyi, Kechi kunukunjika kuli ayo. Ononokenu haliapwila ku liji lia Yehova ha chuma chino ngunambe kuli yenu mba muchiwaha ni yenu, ni kechi kunushiha.

Jeremia 42:6

Lipwe lipema, lipwe lipi, mutwononoka ku liji lia Yehova Zambi yetu kuze tunanutumu, hanga chikawahe ni yetu ha kwononoka ku liji lia Yehova Zambi yetu.

Zefania 3:2

Kapanjikile ku liji nilimwe, katayile kumufumba, kafulielele Yehova, kakundamine kuli Zambi yenyi.

Zakaria 6:15

Waze ali kusuku makeza akakwase kutunga tembele ya Yehova, mba mununyingika Yehova-wa-Tujita wangutumine kuli yenu. Chino muchiza kupwa nyi munwononoka ku liji lia Yehova Zambi yenu ni mbunge yeswe.

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?

A-ROMA 16:26

alioze haliapwila hanachisolola, ni ku yisoneko ya aprofeta, nikulita ni chiyulo cha Zambi wa mutolo, hananyingikisa akwa mavungu eswe hanga akononoke ku Ufulielo:

2 Korintu 10:5

twakupupa malinjekela ni yuma yeswe ya kwilu, yize yakulinangamisa kulimika ni chinyingi cha Zambi, twakutwala manyonga eswe ku ufunge akononoke kuli Kristu;

Shimbi 11:27

Chiwape, nyi munupanjika ku maliji a shimbi a Yehova Zambi yenu ngunanwambe musono.

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 30:2

ha kuhiluka kuli Yehova Zambi yenu ni kuzeya ku liji lienyi ni mbunge jenu jeswe, ni alma jenu jeswe, nikulita ni yeswe ngunanwambeyo musono, ni yenu, ni ana jenu,

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 30:8

Munukahiluka nikuzeya ku liji Ka Yehova, ni kulinga maliji jenyi eswe a shimbi ngunanwambo musono.

Shimbi 4:10

Nwalweze tangwa nwamanyine kumeso ja Yehova Zambi yenu mu Horepe muze ambile Yehova kuli yami ngwenyi, Ngukungulwile atu, mungwavwisa maliji jami, akalilongese kunguvwila woma matangwa eswe matwama hashi, akalongese ana jo.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.

Hebreu 5:9

Mba se hanamupwisa mungunu iye kapwa mwe Kaputu ka ulamwino wa mutolo kuli waze eswe akumwononokena.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.