Jeremia 7:21 - MUKANDA USANDU WA ZAMBI 1975

²¹ Yehova-wa-Tujita, Zambi ya Izalele kanambe ngwenyi, Wezenu milambu yenu ya kulumba ku yitapo yenu, nukalie ye yifwo.

Mukanda Wa Zambi 1970

²¹ “Yenu atu jami, milambu yikwo nwakuyochela liakulu ha chilumbilo, yikwo nunahase kulia. Alioze yami Mwene Zambi ngunambe ngwami, munuhasa kuyilia yeswe.

Jeremia 7:21 Iomraidhean Croise

Miaso (Masamu) 50:8

Chichi kukwambila ha yitapo ye, hanji milambu ye ya kulumba; mumu yili kumeso jami matangwa eswe.

Izaya 43:23

Kunwanehene kuli yami mapanga ha milambu ya kulumba. Kunwangulemesene ni yitapo yenu. Ami chanuvwishile kulema ni milambu, chanukatalishile ni libano.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 6:20

Libano yize yineza kuli yami ya ku Shipa, yaka? Hanji mushachi uze uyema wa ku chifuchi chisuku? Chahashile kutambula milambu yenu ya kulumba. Yitapo yenu kuyangupemenene.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Shimbi 12:27

nulambule milambu yenu ya kulumba, ni yifwo, ni manyinga ha chilumbilo cha Yehova Zambi yenu. Manyinga a yitapo yenu nukaazujile ku chilumbilo cha Yehova Zambi yenu, nulie ye yifwo.