Jeremia 7:20 - MUKANDA USANDU WA ZAMBI 1975

²⁰ Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Mukanda Wa Zambi 1970

²⁰ Kashika yami, Mwene Zambi Mukwa Ndundo Jeswe, munguvwila zuwo lino lia kuwayila ufwatulo, ni atu ni yimuna, chibwe mitondo ni ye mbuto. Ufwatulo wami muukabwa ngwe kahia kaze niumwe kahashile kujima.

Jeremia 7:20 Iomraidhean Croise

1 MIANANGANA 22:17

Mumu hanangwehuka; hanochela insensu kuli mazambi akwo eka, akangwihie ngutenuke ni yitanga yeswe ya moko jo. Kashika utenu wami muukasumukina homa hano, mba kuuchikahola.

Izaya 10:17

Pangu lia Izalele kumulikalumuka kahia, Musandu wenyi mapwa mulengi, mba muulekwoka ni kulalisa mingonga yenyi ni mikalale yenyi tangwa limuwika.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Izaya 66:24

Makatuhuka akatale mijimba ya afu aze angukatukilile. Mumu vuno lio kechi kafwa, ni kahia ko kukechi kajima. Kumakapwa chuma cha kuvwisa lwaji kuli atu eswe.

Jeremia 11:16

Yehova kushi wanutongwele ngwenyi, Muolevwe wa wisu, kuwaha ni mihuko yipema. Alioze makauchocheka kahia ni lundunjila wa kangonga munene, mba mitango yawo yeswe muyiwema.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 14:16

Ni atu aze akwivwa kuprofeteza cho makaambila mu matapalo a Yerusaleme, mumu ha kapunga ni katana ni waze maafunda kechi kasoloka—o ni mapwo jo, ni ana jo a malunga ni a mapwo. Mumu munguzukula hali ayo ungulungulu wo.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 44:6

Kashika ufwatulo wami ni utenu wami hinauzukula ni kuusambiza mu yihunda ya Yunda ni mu matapalo ja Yerusaleme. Ayo hiyalumuka yamokomoko ni ya hululu ndo tangwa lia musono.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 6:12

Kumakahana mazuwo jo kuli akwo, ni minda yo ni mapwo jo hamuwika; mumu munguzoza kwoko liami kulimika ni akwa chifuchi. Chocho kanambe Yehova.

Jeremia 8:13

Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 22:22

Ngwe prata kakusangunuka mu lutengo chocho ni yenu nawa munukasangunukamo mba munukanyingika yami Yehova hinazukula ufwatulo wami hali yenu.

Ezekiel 7:12

Mwaka hiweza, tangwa linakundama. Mukwa kulanda kanda alikwiza; mukwa kulanjisa kanda alinyenga, mumu ufwatulo unashate mbunga yo yeswe.

Ezekiel 7:14

Hasunga chitavwi, halulika yuma yeswe, alioze niumwe kayile ku jita mumu ufwatulo wami washata mbunga yo yeswe.

Daniel 9:11

A-Izalele eswe Hahambuluka, hatangula shimbi je, kasolo kupanjika ku liji lie. Kashika lie shingo ni che chilakenyo asonekene mu shimbi ja kavumbi ka Zambi Mose, hanayizukula hali yetu, mumu hitwamuvulumuna.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Zefania 1:2

Yehova kanambe ngwenyi, Mungukakomba liakulu yuma yeswe hashi.

Zefania 1:3

Mungukakomba atu ni tushitu. Mungukakomba tujila a mu tetela, ni yishi a mu kalunga-lwiji, ni yitalingiso, ni yingulungulu. Mungukasutula e atu lume hashi. Chocho kanambe Yehova.

Zakaria 7:12

Yapwisa mbunge jo jikalu ngwe diamante kuchina mevwa shimbi ni maliji aze Yehova-wa-Tujita watumine ni Spiritu yenyi kuli aprofeta a kushi. Kashika ufwatulo unene wejile wa kuli Yehova-wa-Tujita.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Mateu 3:12

chifujilo chenyi mu kwoko lienyi chili, kumakapemesa liakulu chizungwilo chenyi, kumakakungila tiliku lienyi mu chila, alioze yizungu makayocha ni kahia kaze kukeshi kuhasa kujima.

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.