Jeremia 7:19 - MUKANDA USANDU WA ZAMBI 1975

¹⁹ Yehova kanambe ngwenyi, Yami anehi? Hi ene ko hanga akevwe sonyi?

Mukanda Wa Zambi 1970

¹⁹ Kuma yami anevwisa chinyengo, nyi? Ka, ayo ene analivwisa chinyengo ni kulikokela sonyi.

Jeremia 7:19 Iomraidhean Croise

Ezra 9:7

Chize ku matangwa ja tulamba hitwahia pundu ndo musono; mba ha uhenge wetu, yetu ni mianangana jetu, ni asasendote jetu, hanatukunjika ku moko ja mianangana ja yifuchi ku katana, ni ku ufunge, ni kutupupa, ni kutuhepwisa chize chapwa musono

Jobe 35:6

Nyi hiwavulumuna, yika muhasa kulinga kulimika nenyi? Nyi hiwokesa Utanguko we yika unamulingi?

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Izaya 1:24

Kashika Mwene kanambe, mwe Yehova-wa-Tujita, mwe Mukwa-Ndundo wa Izalele ngwenyi, Munguzukwila ufwatulo hali akwa kole jami; mungufwetesa akwa kulimika ni yami.

Izaya 45:16

Atu akwo eswe kakwivwa sonyi ni kutatajala, ni akwa kulinga tuponya kakutatajala hamuwika.

Jeremia 15:9

Yoze te hasema ana shimbiali hanakokoloka, hanalezumuka. Tangwa lienyi hilianjila shimbu kuchili mwalwa. Hanamukolesa sonyi, hanasauka. Ni waze hanalisalaho mungukunjika ku katana kumeso ja akwa kole jo. Chocho kanambe Yehova.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Jeremia 22:22

Fuji muyikafunga tufunga twe eswe, ni akwa zango lie maya ufunge. Henaho mba muwivwa sonyi ni kutatajala mumu ha ungulungulu we weswe.

Jeremia 25:7

Yehova kanambe ngwenyi, Hindu nwangupangula hanga nungwihie ni yitanga ya moko jenu, nulilumbule.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 44:3

mumu ha ungulungulu uze alingile nikungwihia ngutenuke, ha kuya nikwocha insensu ni kulingila mazambi eka aze kaanyingikine, chipwe o, chipwe yenu, chipwe tulamba twenu.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Jeremia 9:19

Mumu liji lia kulila mbimbi tunalivu mu Zaione ngwo, Twalumbuka Chichize! Hanatukolesa sonyi liakulu mumu hitwahichika chifuchi, hanunguna mazuwo jetu.

Ezekiel 16:26

Walingile ukoi ni A-Engitu, enyembo je a usolo, nikwokesa ukoi we nikungwihia.

1 Korintu 10:22

Shina mutwihia Mwene ku ukwa, nyi? Tunakangana kuhiana iye, nyi?

Shimbi 32:16

Yamwihia evwe ukwa ni tuzambi twa tundaka, yamwihia ni yitanga yo ya kuzelwokesa.