Jeremia 7:18 - MUKANDA USANDU WA ZAMBI 1975

¹⁸ Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Mukanda Wa Zambi 1970

¹⁸ Ana kaakuchaya kunyi, makulwana kaakuwika kahia, ni mapwo kaakuchaka wunga wa kulinga mbolo ya zambi wa pwo yoze akuvuluka ngwo, Mwanangana wa Kwilu. Kaakuzujila nawa milambu kuli mazambi eka, ni kunguvwisa chinyengo.

Jeremia 7:18 Iomraidhean Croise

1 Yitanga Ya Mianangana 14:9

Alioze ena hiwalinga chipi kuhiana eswe akutetekelele. Hiwaya nikulinga mazambi akwo, ni tuponya twa kuzuzulula ukangwihie ku utenu. Hiwangumbila kunyima ye.

1 Yitanga Ya Mianangana 16:2

Nakuchijile mu fufuta, nakunangamishine, nakupwishile mukwa kuyula atu jami A-Izalele. Alioze yena hiwenda mu ndako ja Jeroboame, hiwavulumwisa atu jami A-Izalele ukangwihie ku utenu ni mitonga yo.

Miaso (Masamu) 16:4

Yinyengo ya waze akukaula mazambi akwo muyoka. Chichi kulambula milambu yo ya manyinga, majina jo chichi kuvuluka ha mivumbo yami.

Izaya 3:8

Mumu A-Yerusaleme hanatalinga, A-Yunda hanalimbuka; mumu kuhanjika cho ni yitanga yo yapwa ya kulimika ni Yehova, ni kumwihia kwe kumeso ja uhenya wenyi.

Izaya 57:6

Hakachi ka mawe asenena mu mungulunga mwatwama chihinga chenu. O ene anapu chihanda chenu, kuli ayo nwakuzujila mulambu wa kunwa; kuli ayo nwakuneha mulambu wa wunga. Yenayo muyihasa kungutomesa mbunge?

Izaya 65:11

Alioze yenu nwakwehuka Yehova, nwakuvulama mulundu wami usandu; nwakwalila mesa Ngate, nwakuzalisa misenge ya vinyu ya kuchinga hali Meni.

Izaya 65:3

Wano atu kakungwihia kwe kumeso jami matangwa eswe, nikushiha yitapo mu minda nikwochela insensu ha tijolo.

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 17:2

shimbu ana jo anewuluka yilumbilo yo, ni Ashera jo, ku mutondo weswe wa wisu ni ha milundu yisuku,

Jeremia 19:13

Mazuwo a Yerusaleme ni mazuwo ja mianangana ja Yunda maachisa ngwe chihela cha Tofete, mazuwo aze eswe ha mafulumba jo hochela insensu ku mbunga yeswe ya mwilu, ni kuzuza milambu ya kunwa ku mazambi akwo.

Jeremia 25:7

Yehova kanambe ngwenyi, Hindu nwangupangula hanga nungwihie ni yitanga ya moko jenu, nulilumbule.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 44:25

Yehova-wa-Tujita, Zambi ya Izalele kanambe ngwenyi, Enu ni mapwo jenu hinwamba ni makanwa jenu ni kuchilinga ni moko jenu ngwenu, Kumutukalinga yilakenyo yetu ya shingo yize hitwalakenya tukochele insensu mwe mwanangana wa pwo wa malilu nikumuzujila milambu ya kunwa. Hikolesenu yilakenyo yenu, nukayilinge.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 7:17

Kwamwene chize analingi mu yihunda ya Yunda ni ha matapalo ja Yerusaleme?

Lungungu 5:13

Akweze kanalingi ungamba wa kutwa; ana-malunga kakuzeketa ni yiteli yinene ya kunyi.

Ezekiel 16:26

Walingile ukoi ni A-Engitu, enyembo je a usolo, nikwokesa ukoi we nikungwihia.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Ezekiel 8:16

Yanguneha ndo ku yize ya zuwo lia Yehova ya muchima, kumanyi ku chikolo cha tembele ya Yehova hakachi ka senge ni chilumbilo kwamanyine ngwe makumi aali a malunga ni malunga atano. Kanombo manyima jo ku tembele ya Yehova; meso jo kanatalikisa ku Chivumbuko nikuwayila tangwa ku Chivumbuko.

Ezekiel 8:17

Yamba kuli yami ngwenyi, Mwana mutu, hiwamona chino? Kumanyi chakeha naye kuli akwa munyachi wa Yunda kulinga yuma ya lwaji yize analingi kuno, akawezele nawa kuzalisa chifuchi ni upupilo, ni kungwihia nawa chikwo? Mba kanase mutondo ku mazulu jo!

1 Korintu 10:22

Shina mutwihia Mwene ku ukwa, nyi? Tunakangana kuhiana iye, nyi?

Shimbi 32:16

Yamwihia evwe ukwa ni tuzambi twa tundaka, yamwihia ni yitanga yo ya kuzelwokesa.

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.

Shimbi 4:19

Kuchina munuhetula meso jenu ku malilu mba ha kumona tangwa, ni kakweji, ni matongonoshi, te yizavu yeswe ya ha malilu, munuhungumuka nikuyiwayila nikuyivumbika, yuma Yehova Zambi yenu wayipangilile mavungu, eswe ali kushi lia malilu.