Jeremia 7:17 - MUKANDA USANDU WA ZAMBI 1975

¹⁷ Kwamwene chize analingi mu yihunda ya Yunda ni ha matapalo ja Yerusaleme?

Mukanda Wa Zambi 1970

¹⁷ Yena kusolo kumona yize akulinga mu membo ja Ayuda ni mu majila a mu Yerusaleme, nyi?

Jeremia 7:17 Iomraidhean Croise

Jeremia 1:16

Mungwamba upatwilo wami wa kulimika no, mumu ha ungulungulu wo weswe wa kungwehuka. Hanocho insensu ku mazambi akwo nikuwayila yitanga ya moko jo.

Jeremia 32:29

A-Kaletea wano anase jita ni chihunda chino meza ni kuchocheka kahia ni kuchocha hamwe ni mazuwo haze hanalambwila insensu ha mafulumba kuli Mbale, ni kuzuza milambu ya kunwa kuli mazambi eka akangwihie.

Jeremia 32:32

mumu ha yipi yeswe ya ana ja Izalele a malunga ni ana ja Yunda a malunga yize alingile kungwihia—ni mianangana jo, ni alemu jo, ni asasendote jo, ni aprofeta jo, ni malunga ja Yunda ni waze atwama mu Yerusaleme.

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 44:6

Kashika ufwatulo wami ni utenu wami hinauzukula ni kuusambiza mu yihunda ya Yunda ni mu matapalo ja Yerusaleme. Ayo hiyalumuka yamokomoko ni ya hululu ndo tangwa lia musono.

Jeremia 6:27

Hinakusela mukwa kupima, mukwa kweseka hakachi ka atu jami, hanga ukanyingike majila jo ni kwapima.

Jeremia 7:16

Ni yena, kanda ulembela vungu lino; kanda usaho muteto hanji kulemba hali ayo; kanda uahakwila kumeso jami, mumu chakupanjikile.

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Ezekiel 14:23

O manulembejeka ha kumona ndako jo ni yitanga yo. Mba mununyingika, kumanyi yize nalingile chayilingile chikuma chakuhi. Chocho kanambe Mwene Yehova.