Jeremia 7:15 - MUKANDA USANDU WA ZAMBI 1975

¹⁵ Mungunumbila kumeso jami chizechene ngwe nambilile usoko wenu eswe ana eswe ja Eframe.

Mukanda Wa Zambi 1970

¹⁵ Mungunuhuma mu chifuchi ngwe chize nahumine usoko wenu, Aisraele. Yami Mwene Zambi nachamba.”

Jeremia 7:15 Iomraidhean Croise

1 MIANANGANA 17:23

ndo Yehova wachijile Izalele kumeso jenyi, ngwe wambile kuli tuvumbi twenyi aprofeta eswe. Chocho yachiza A-Izalele ku chifuchi cho, yaatwala ku Asuria, ndo musono.

1 MIANANGANA 24:20

Mumu ha mukunda wa utenu wa Yehova chino cheswe chejile ha Yerusaleme ni hali A-Yunda akaachize kumeso jenyi. Mba Zedekia yakatukila mwanangana wa Babilonia.

2 Sango Ja Mianangana 15:9

Yakungulula A-Yunda ni A-Mbenjamine eswe ni waze hatunga no a ku Eframe ni Manase ni Simeone; mumu atu anji a mu Izalele ejile kuli iye ha kumona Yehova Zambi yenyi kwali hamwe nenyi.

Miaso (Masamu) 51:11

Kanda ungumbila kumeso je; kanda uchiza Spiritu ye Musandu kuli yami.

Izaya 7:16

Mumu shimbu mwana kanda anyingika kulituna chipi ni kutongola chipema, chifuchi cha wano mianangana aali unachikimina muchipwa cha woya.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Jeremia 23:33

Muze umwe wa wano atu, hanji profeta, hanji sasendote makuhula ngwenyi, Chiteli cha Yehova chika? Muwamba kuli ayo ngwe, Yena mwene uli chiteli, mba Yehova kanambe ngwenyi, Ngunambe kukumbila.

Jeremia 23:39

kashika mungunuzundula ni kunumbila kumeso jami, ni yena ni chihunda chino nanuhele ni tulamba twenu.

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Jeremia 52:3

Pundu ha utenu wa Yehova yuma yapihile kuhiana mu Yerusaleme ni hali A-Yunda chocho iye waachijile kumeso jenyi. Mba Zedekia yakatukila mwanangana wa Babilonia.

Jeremia 9:19

Mumu liji lia kulila mbimbi tunalivu mu Zaione ngwo, Twalumbuka Chichize! Hanatukolesa sonyi liakulu mumu hitwahichika chifuchi, hanunguna mazuwo jetu.

Ezekiel 23:31

Hiwakaula mu jila ya yayenu, kashika musenge wenyi mungukausa mu kwoko lie.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Hosea 1:4

Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele.

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Hosea 13:16

Samaria mambata uhie wenyi, mumu hakatukila Zambi yenyi. Makafwa ni katana, ana jo akepe makaahwotola ku mitwe ni tufumba two makaahangula.

Hosea 7:13

Lamba lio mumu hanahambuluka kuli yami! Akaonwone, mumu hanangukatukila! Ami ngunafupu kwakula, alioze kakuhanjika mahuza a kulimika ni yami.

Hosea 9:13

Ngwe namwene, Ana ja Eframe haasela kwapunda; alioze Eframe makatuhwisa ana jenyi kuli mukwa kushiha.

Hosea 9:3

Kechi kutwama mu chifuchi cha Yehova; alioze Eframe mahiluka ku Engitu, mba malia kulia cha luchisa mu Asuria.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Yona 2:4

Yingwamba ngwami, Hangumbila kumeso je; hindu mungutala nawa ku tembele ye yisandu.

Kwalula 1:32

A-José, te A-Eframe, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita: