Jeremia 7:14 - MUKANDA USANDU WA ZAMBI 1975

¹⁴ kashika zuwo lino hanaliluku jina liami, ni yenu nunafulielamo, ni kuma kuno nanuhele yenu ni tulamba twenu, mungulilinga chize nalingile ku Shilo.

Mukanda Wa Zambi 1970

¹⁴ Kashika, yeswe yize nalingile ku Shilo munguyilinga nawa ku zuwo liami, lize nwakujikijila. Homa hano nahanyine kuli tushakulu twenu ni yenu, mungulinga ho nawa ngwe chize nalingile ku Shilo.

Jeremia 7:14 Iomraidhean Croise

1 MIANANGANA 25:9

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

2 Sango Ja Mianangana 7:21

Zuwo lino hilianangama chocho, ha kulipalika, atu eswe makomoka ni kwamba ngwo, Kuchi te Yehova halinga chocho ku chifuchi chino ni ku zuwo lino?

Miaso (Masamu) 78:60

Chocho wehukile tabernakulu ya Shilo; mbalaka yize asele hakachi ka atu.

Izaya 64:11

Zuwo lietu lipema lisandu, kuze tulamba akuhalishile, hanaliocho ni kahia; mba yihela yetu yeswe yipema hiyinapuzwoka.

Jeremia 12:7

Hinehuka zuwo liami, hinambila chihinga chami; hinakunjika mukwa zango lia mbunge yami mu moko ja akwa kole jenyi.

Jeremia 23:39

kashika mungunuzundula ni kunumbila kumeso jami, ni yena ni chihunda chino nanuhele ni tulamba twenu.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 26:4

Muwamba kuli ayo ngwe, Yehova kanambe ngwenyi, Nyi kunuchi kupanjika kuli yami nukende mu shimbi yami yize ngunase kumeso jenu

Jeremia 7:10

mba munwiza nikumana kumeso jami mu zuwo lino, hanaliluku jina liami, nukambe ngwenu, Hanatupulula! nukaye nukanyongonone ni yuma yino ya kukoka lwaji?

Jeremia 7:12

Yénu haliapwila ku zuwo liami liapwile mu Shilo, kuze natwamishine jina liami hatangu, nuchitale chize nalingileko mumu ha ungulungulu wa atu jami A-Izalele.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Lungungu 2:7

Mwene hanalelesa chilumbilo chenyi, hanalikate muma mwenyi musandu. Hanakunjika kuli akwa kole yipanga-ya-mawe ya palasiu jenyi. Chizungozungo chapwile mu zuwo lia Yehova ngwe ha tangwa lia chiwanyino cha kufunjika.

Lungungu 4:1

Oru yafuwalala Chichize; ye oru yipema hiyalumuka! Mawe alemu asandu anamwangana ku masongo ja matapalo eswe.

Ezekiel 23:31

Hiwakaula mu jila ya yayenu, kashika musenge wenyi mungukausa mu kwoko lie.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Shimbi 12:5

Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.

Shimbi 28:52

Makanuseleka ku yihunda yenu yeswe, ndo yipanga yenu yisuku ya tachi muyikapuzuka, yize nwakuyifuliela, ndusu chifuchi chenu cheswe. Iye makanuseleka mu yihunda yenu yeswe ndusu chifuchi chenu cheswe, Yehova Zambi yenu hananwehecho.