Jeremia 7:12 - MUKANDA USANDU WA ZAMBI 1975

¹² Yénu haliapwila ku zuwo liami liapwile mu Shilo, kuze natwamishine jina liami hatangu, nuchitale chize nalingileko mumu ha ungulungulu wa atu jami A-Izalele.

Mukanda Wa Zambi 1970

¹² Achiyenu mu limbo lia Shilo, kuma kutangu kuze nwatongwele ha kunguwayila; nuchitale chize nalingile ko mumu ha milonga ya atu jami Aisraele.

Jeremia 7:12 Iomraidhean Croise

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 7:14

kashika zuwo lino hanaliluku jina liami, ni yenu nunafulielamo, ni kuma kuno nanuhele yenu ni tulamba twenu, mungulilinga chize nalingile ku Shilo.

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 12:5

Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Yoshua 18:10

Yoshua yaatela chela mu Shilo kumeso ja Yehova. Kuze kwene Yoshua yateta chifuchi kuli A-Izalele, kuli mweswe chihinga chenyi.

Akwa Kuyula 18:31

Chocho ajikile kaponya wa kwola yoze Mika walingile shimbu lieswe zuwo lia Zambi liapwile ku Shilo.

1 Samuel 1:3

Mwe lunga mwaka ha mwaka wakatukile ku chihunda chenyi nikuya mukuwayila Yehova-wa-Tujita nikumulambula yitapo ku Shilo kuze kwatwamine e ana aali a Eli, Hofni ni Finehase, asasendote ja Yehova.

1 Samuel 4:22

Ngwenyi, Ulemu hiwakatuka kuli A-Izalele, mumu hanatambula mushete wa Zambi.