Jeremia 7:10 - MUKANDA USANDU WA ZAMBI 1975

¹⁰ mba munwiza nikumana kumeso jami mu zuwo lino, hanaliluku jina liami, nukambe ngwenu, Hanatupulula! nukaye nukanyongonone ni yuma yino ya kukoka lwaji?

Mukanda Wa Zambi 1970

¹⁰ Nwakulinga yuma yize nakuvutwokela. Munubwamuze munwiza ni kumana ku meso jami, mu zuwo liami, nikwamba ngwenu: ‘Tunawaha!’

Jeremia 7:10 Iomraidhean Croise

1 Yitanga Ya Mianangana 9:3

Yehova yamba kuli iye ngwenyi, Hinapanjika ku kulemba che ni ku kuliumba che chize hiwalemba kumeso jami. Hinasela ku usandu zuwo lino hiwatunga kusako jina liami ndo j ku miaka ya mutolo, mba meso jami ni i mbunge yami kumuyikapwako ndusu miaka yeswe.

1 MIANANGANA 21:4

Watungile yilumbilo mwe mu zuwo lia Yehova kuze Yehova te hamba ngwenyi, Mu Yerusaleme mungusa jina liami.

2 Sango Ja Mianangana 33:4

Yatunga yilumbilo mu zuwo lia Yehova lize Yehova waliambile ngwenyi, Mu Yerusaleme mukupwa jina liami ndo ku miaka ya mutolo.

2 Sango Ja Mianangana 33:7

Kaponya wa kwola wa hamba yoze halinga, yamusa mu zuwo lia Zambi lize te Zambi waliambile kuli David ni kuli mwanenyi Solomone ngwenyi, Mu zuwo lino, mwe mu Yerusaleme binatongola hakachi ka minyachi yeswe ya Izalele, muno mungusa jina liami ndo ku miaka ya mutolo.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Izaya 48:2

Mumu nwakulisa jina lia chihunda chisandu, nwakujikijila hali mwe Zambi ya Izalele, jina lienyi Yehova-wa-Tujita.

Jeremia 32:34

Amikine yizelwokeso yo mu zuwo lino alilukile ni jina liami, hanga akalichise.

Jeremia 34:15

Matangwa akehe kunyima nwalikonyekene ni kulinga chipema kumeso jami ni kwambujola utuswilo, mutu mweswe kuli mukwo. Nwakolesele usendo kumeso jami mu zuwo lino haliluka jina liami.

Jeremia 44:9

Hinwavulama ungulungulu wa tulamba twenu, ni ungulungulu wa mianangana ja A-Yunda, ni ungulungulu wa mapwo jo, ni ungulungulu wa yenwene, ni ungulungulu wa mapwo jenu, uze alingile mu chifuchi cha Yunda ni mu matapalo ja Yerusaleme?

Jeremia 7:11

Zuwo lino hanaliluku jina liami hilialumuka kumeso jenu chivwenge cha mihuza? Chipwe yami hinachimona, chocho kanambe Yehova.

Jeremia 7:14

kashika zuwo lino hanaliluku jina liami, ni yenu nunafulielamo, ni kuma kuno nanuhele yenu ni tulamba twenu, mungulilinga chize nalingile ku Shilo.

Jeremia 7:30

Yehova kanambe ngwenyi, Ana ja A-Yunda halinga chipi kumeso jami. Hanase yuma yo ya lwaji mu zuwo lize haliluka jina liami, akalichise.

Ezekiel 20:39

Ha kutwala kuli yenu, akwa munyachi wa Izalele, Mwene Yehova kanambe ngwenyi, Yénu nukalingile mutu mweswe mahamba jenyi, chipwe haliapwila chipwe kulutwe, nyi kunwangupanjikile. Alioze jina liami lisandu kunuchi kajilula nawa nilimwe tangwa ni milambu yenu ni mahamba jenu.

Ezekiel 23:29

mba o malinga ni yena ni kole, ni kukuchiza mihuko ya kuhondangana che, ni kukuhichika wa kufukula, wa uselesele, hanga uselesele wa ukoi we ukafukuke. Usolo we ni ukoi we

Ezekiel 23:37

Mumu halinga utanji ni kali ni manyinga ha moko jo. Halinga utanji ni mahamba jo, mba ana jo aze hinasema no haatenga kulia cha mahamba.

Ezekiel 23:39

Mumu ha tangwa lize ashihile ana jo yitapo ya mahamba jo, ejile tangwa lio liene mu zuwo liami lisandu kulijilula. Chocho yalinga mu zuwo liami.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Ezekiel 5:11

Kashika Mwene Yehova kanambe ngwenyi, Ni mwono wami, se yenu hinwachisa zuwo liami lisandu ni yuma yenu yeswe ya kuvwisa kupiha, ni yuma yenu yeswe ya lwaji, kashika mungukanutepulula. Liso liami kulichi kanuvwila vumbi, chichi kanuvwila keke.

Daniel 9:18

Zambi yami, tela kama twitwi lie ukevwe. Laula kama ku meso utale chize hatwenyeka, ni chihunda chize hachiluka jina lie, mumu kutwanehene kuliumba chetu kuli yena mumu ha ululi wetu, alioze mumu ha keke ye yinene.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Amose 4:5

Lambulenu milambu ya kusakwila ya yuma ya futunwiso; tambikenu milambu ya mbunge, nukayambulule, mumu chocho nwakuzanga kulinga, enu A-Izalele. Chocho kanambe Mwene Yehova.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Malaki 3:15

Haliapwila mutumona ngwe kawaha akwa kulizata. Akwa kulinga chipi kakuwaha, ni chikwo nawa muze meseka Zambi kakulilamwina.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.

Yoano 18:28

Yachiza Yesu kashika kuli Kayafwa, akaye ku palasiu ya nguvulu; kwapwile chimenemene; ene kanjilile mu palasiu, hanga kechi kulichisa: alioze hanga akalie Chizomboka.