Jeremia 6:8 - MUKANDA USANDU WA ZAMBI 1975

⁸ Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Mukanda Wa Zambi 1970

⁸ Yenu akwa Yerusaleme, lamba lino linukanyamise kama. Nyi ka, mungunwehuka, limbo lienu mungulipwisa ngwe puya, kuze niumwe kechi kutwama mo nawa.”

Jeremia 6:8 Iomraidhean Croise

Miaso (Masamu) 2:10

Kashika, enu mianangana, kanyamenu. Yenu ngaji a hashi, lilongesenu mana.

Miaso (Masamu) 50:17

Se kwazangile lufumbo, wakumbila kunyima maliji jami.

Miaso (Masamu) 94:12

Kawaha yoze wakumufumba yena, Yehova; yoze wakumulongesa ku shimbi je,

Yishima 19:20

Panjika ku yiyulo, tambula kufumba, ukapwe ni mana ku songo lia mwono we.

Yishima 4:13

Kakaminya ku kufumba chami, kanda uchehuka. Uchifunge kanawa mumu chapwa mwono we.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 2:15

Ndumba hanatete hali iye, hanatete ni tachi. Hanahichika chifuchi chenyi ngwe puya, yihunda yenyi yinapuzuka, kuyishi atu.

Jeremia 31:19

Kulutwe lia kuhambuluka nalikonyekene. Muze te hangulongesa nalilambile ha shina lia kulu. Nevwile sonyi, nalitupiekele mumu napwile ni kusauka cha ukweze wami.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 7:28

Muwamba kuli ayo ngwe, Wano e atu kononokene ku liji lia Yehova Zambi yo, katambwile lufumbo; umwenemwene hiwatoka, hauteta ku mivumbo yo.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Ezekiel 23:18

Shimbu aye machilingalinga ukoi kumeso ja eswe nikulilengela ni uselesele wenyi, yami natewulukile kuli iye ni lwaji chizechene ngwe natewulukile kuli yayo.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Alevi 26:34

Mba chifuchi chenu muchiwaha kanawa ni Sambata jacho, shimbu chinatwama kuchishi atu shimbu yenu nuli mu chifuchi cha akwa kole jenu. Chifuchi muchihwima nikuwaha ni Sambata jacho.

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.