Jeremia 6:7 - MUKANDA USANDU WA ZAMBI 1975

⁷ Chizechene ngwe shima nakufunga meya jalio aha, chocho iye kakupwa ni ungulungulu wenyi waha. Kakwivwa upupilo ni kwonwona muli iye, kuyiza ni yilonda yili kumeso jami matangwa eswe.

Mukanda Wa Zambi 1970

⁷ Ngwe chize shima liakufunga meya jalio akekema, Chenacho nawa Yerusaleme akufunga ungulungulu wenyi. Ngunevu upupilo ni kwonona mu limbo; ngunamono shina misongo ni yilonda.

Jeremia 6:7 Iomraidhean Croise

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Izaya 1:6

Chize ku chiliato ndo ku mutwe niumwe ungunu kuushiko, alioze yindundwola, ni yilonda, ni mbandu ja kuhita manyinga jize kanda ajipalakenya chipwe kujichika, chipwe kujovulisa ni maji.

Izaya 57:20

Alioze yingulungulu kanapu ngwe kalunga-lwiji ha kupinda chenyi; kahashile kuhwima, meya jenyi kakuvunduka ni mavu ni majilo.

Izaya 59:6

Wandajili wo kuuchi kupwa uzalo, niumwe mahasa kulifuka ni milimo yo. Yilinga yo yitanga ya uhenge, yitanga ya upupilo yili mu moko jo.

Jeremia 20:8

Mumu cheswe munguhanjika nakuteta kwilu. Nakutambika ngwami, Upupilo ni kwonwona! Mumu liji lia Yehova hilialumuka kuli yami luchoko ni sau tangwa lieswe nganganga.

Jeremia 30:12

Mumu Yehova kanambe ngwenyi, Yikola ye kuyishi yitumbo; mbandu ye yipi chikolo.

Jeremia 30:13

Niumwe keshiko kuhakwila chikuma che; niyimwe yitumbo ha mbandu ye, kuwuka kuchishiko hali yena.

Jeremia 30:15

Kuchi te wakulitetela ha yikola ye? Yikola ye kuyishi yitumbo. Hinakulinga yuma yino mumu uhie we unene, milonga ye kumeso ja atu eswe.

Jeremia 32:31

Chihunda chino hichanguvundula ku utenu ni ufwatulo chize ku tangwa lize achitungile ndo musono, kashika munguchichiza kumeso jami

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Ezekiel 21:29

(shimbu makanumwena usolwelo wa kwonga, shimbu makanutahila mahuza)—katana wa kusa ha makota ja yingulungulu a kulijilula, waze tangwa lio hiliaheta, mwaka wa kastigu yo yasula.

Ezekiel 24:7

Mumu manyinga aze amwangine achili hakachi ko. Yaasa ha luliwe lwamokomoko; kasele ha mavu akaafuke ni fufuta.

Ezekiel 45:9

Mwene Yehova kanambe ngwenyi, Kunahu, enu alemu ja Izalele! Mbilenu upupilo ni upinjiso, nukapatule nikulita ni ululi. Mwene Yehova kanambe ngwenyi, Litwaminenu kufwetesa atu jami chocho.

Ezekiel 7:11

Upupilo hiwalumuka mbwechi ya ungulungulu. Niumwe malisalaho, chipwe kulumbama cho, chipwe upite wo, chipwe ulemu hakachi ko.

Ezekiel 7:23

Lingenu lie lenge mumu chifuchi chazala ni milonga ya manyinga, ni chihunda chazala ni upupilo.

Zefania 3:1

Lamba kuli chihulia yoze halichisa, chihunda cha kupinjisa akwo!