Jeremia 6:4 - MUKANDA USANDU WA ZAMBI 1975

⁴ Lulika jita ya kulimika nenyi ngwo; Katukenu tumulambe tangwa ha muchima! Lamba lietu mumu tangwa linasendala, yizulie ya chingoloshi yinasuha.

Mukanda Wa Zambi 1970

⁴ Kumaakamba ngwo: “Lulikenu twase jita ni Yerusaleme! Lulikenu, mutwasa no jita tangwa ha muchima!” Alioze hindu kumaakamba nawa ngwo: “Eehee, tunalaluka, hikwabwa kulu chingoloshi, tangwa hiliaya kulu, ni yizulie hiyasuhwasuhwa kulu.

Jeremia 6:4 Iomraidhean Croise

Jobe 7:2

Aye kapwa ngwe ndungo yoze kanatalatala chihuhumuke, ngwe ngamba yoze unatalatala fweto yenyi.

Mwaso Ubema Wahiana 2:17

Ndo tangwa mulicha ni yizulie muyichina, tewuluka, mukwa zango liami, pwako ngwe kai, ngwe mwana kapaji ha milundu ya Mbetere.

Jeremia 15:8

Hinokesa tuliwa jo kuhiana masekeseke a ku kalunga-lwiji. Kuli anaye ja akweze hinaneha umwe chonwonyi wa ha mwalwa. Susumuku hinakokela hali ayo kulifwita ni mwongo.

Jeremia 15:9

Yoze te hasema ana shimbiali hanakokoloka, hanalezumuka. Tangwa lienyi hilianjila shimbu kuchili mwalwa. Hanamukolesa sonyi, hanasauka. Ni waze hanalisalaho mungukunjika ku katana kumeso ja akwa kole jo. Chocho kanambe Yehova.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 6:23

Kanakwata ku uta ni kunga, akwa uswi, keshi keke. Chinumo cho chinapu ngwe lundunjila wa kalunga-lwiji. Kanende hali tuvwalu; hanalilulika ngwe mutu ha jita, ya kulimika ni yena mwana-pwo Zaione.

Jeremia 8:20

Matangwa a kucha hanapalika, mwaka wa vumbi hiwahwa, ulamwino kutwauwanyine!

Joele 3:9

Ambululenu chino hakachi ka mavungu ngwenu, Lulikenu jita! Sungenu malunga a ndundo! Malunga eswe a jita eze, akanduke ku kuno.

Obadia 1:1

Usolwelo wa Obadia uno. Mwene Yehova kanambe ha kutwala kuli Endome ngwenyi, Hitunevu lusango wa kuli Yehova. Hatuma kanganda hakachi ka mavungu nikwamba ngwenyi, Katuka; tukatukenu kulimika nenyi mu jita.

Mika 3:5

Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Zefania 2:4

Mumu Ngeza muyipwa ya hululu; ni Asekalone muyalumuka ya kulungunga; akwa Ashedode ma: huma ha tangwa ha muchima; ni Ekrone mayitukula.