Jeremia 6:26 - MUKANDA USANDU WA ZAMBI 1975

²⁶ Ena mwana wa pwo atu jami, zala chikeleyi, ukalilangumune mu uto. Ukalishimwoke ngwe hali mwana wa wika, kulila chisasu, mumu susumuku chonwonyi matuwana.

Mukanda Wa Zambi 1970

²⁶ Mwene Zambi yambila atu jenyi ngwenyi: “Zalenu mianji, lilangumunenu mu uto. Lilenu mbimbi ngwe yoze unalili mwanenyi wa wika, mumu yoze uneza ni kunwonona kumeza susumuku.

Jeremia 6:26 Iomraidhean Croise

Ubutukilo 21:16

Yaya, yatwama hatalanganyi nenyi alioze kapinji kaliko ngwe kukonga cha mwivu, mumu yamba ngwenyi, Kanda ngutala kufwa cha mwana. Chocho yatwama hatalanganyi nenyi nikulila mbimbi.

Jobe 15:21

Nakwivwa mu matwi jenyi yuma ya mwongo; chipwe mayuka hindu chonwonyi mamuwana.

Jobe 2:8

Aye yanda chiyo cha ndeho ya kulicheka nacho. Yatwama mu uto.

Izaya 22:12

Ha tangwa lize Mwene Yehova-wa-Tujita yatambika mutambi wa kulila ni kulishimwoka, ni kulitewula ni kuzala chikeleyi;

Izaya 22:4

Kashika nambile ngwami, Tewulukenu kuli yami, hanga ngulile masoji asasu. Kanda nuhondangana nikunguwumbijeka mumu ha kunonga cha mwana wa pwo atu jami.

Izaya 3:24

Ha perfumo masalakanyisa kufutama; ha muya wa ponda masalakanyisa lumuhipu; ha kambu ja kuyinda masalakanyisa lwole; mazala chikeleyi, hi hina lia pichi ko; ha uchenge manwaha sonyi.

Izaya 30:13

kashika uhenge uno muukapwa kuli yenu ngwe mwaji ha chipanga-cha-mawe chisuku, chinakuluka, chinambe kupuzuka, kulundumuka chacho muchipwa cha susumuku ha kashimbu kaze kene;

Izaya 32:11

Chikimenu, enu mapwo nunahwimi, pwenu ni lwaji, enu kunushi woma; Zulenu, lifukulenu nukazale chikeleyi mu zalilo jenu.

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 15:8

Hinokesa tuliwa jo kuhiana masekeseke a ku kalunga-lwiji. Kuli anaye ja akweze hinaneha umwe chonwonyi wa ha mwalwa. Susumuku hinakokela hali ayo kulifwita ni mwongo.

Jeremia 18:22

Tukevwe muteto ku mazuwo jo, muze muneha akwa kupupa hali ayo susumuku! Mumu o hanangufulila wumbu, nikungutela makambwila.

Jeremia 30:5

Yehova kanambe ngwenyi, Hitwevwa muteto wa mwongo, wa woma, ni sambukila ka.

Jeremia 4:11

Ha mwaka uze makamba kuli wano atu ni kuli A-Yerusaleme ngwo, Fuji yimwe ya kahia muyikatuka ku milundu yize kuyishi mitondo mu puya ni kutalikisa kuli mwana wa pwo atu jami; hi kufuza ko hanji kupemesa.

Jeremia 4:20

Kuji-ni-tomo linalihange ni kuji-ni-tomo; chifuchi cheswe chapwa cha kwenyeka. Susumuku honwona mbalaka jami, ni kurtina jami ni shimbu liakuhi.

Jeremia 4:8

Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Jeremia 8:21

Mbunge yami yili ni chilonda mumu ha chilonda cha mwana wa pwo atu jami. Ngunalishimwoka; mwongo wangukwata.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Lungungu 3:16

Hangwaha tumawe kunjakula ni mazo jami; hangutwamisa mu uto.

Lungungu 3:48

Meso jami kanalili mihwiji ya masoji mumu mwana wa pwo atu jami hanamwonwona.

Lungungu 4:10

Moko ja mapwo akwa keke hanateleka ana jo ene; alumukine kulia cho ha kwonwona cha mwana wa pwo atu jami.

Lungungu 4:3

Chipwe mikuza kakuhana yele ni kwamwisa ana jo, ahoze mwana wa pwo atu jami hanalumuka chiswi ngwe yikungulu mu puya.

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Yona 3:6

Lusango wahetele kuli mwanangana wa Ninive, mba yakatuka ha ngunja yenyi, yachiza hina lienyi lia ngungu, yalijika ni chikeleyi, yatwama mu uto.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Luka 7:12

Shimbu machikundama ku chikolo cha limbo, kumanyi, ambachile haze lunga mufu, mwana wa wika wa naye, iye twamishi; ni mbunga yinene ya ku limbo apwile hamwe nenyi.

Tiangu (Jake) 4:9

Lungajalenu, nenganyanenu, lilenu: kuseha chenu chialumuke kunenganyana, ni uwahililo wenu ualumuke kuhonga ku meso.

Tiangu (Jake) 5:1

Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.