Jeremia 6:25 - MUKANDA USANDU WA ZAMBI 1975

²⁵ Kanda nutuhuka kuya ku munda, chipwe kwenda mu jila, mumu mukwa kole kali ni katana, mwongo uliko sali ni sali.

Mukanda Wa Zambi 1970

²⁵ Kutwahashile ko kuya ni kwendangana mu jila chibwe ku minda, mumu akwa kole jetu haalulika jita. Mwongo tunevu sali ni sali.”

Jeremia 6:25 Iomraidhean Croise

2 Sango Ja Mianangana 15:5

Ha miaka yize kukwapwile kuhwima, chipwe ha kutuhuka chipwe ha kunjila, alioze kulifwita chinji kuli atu eswe a mu yifuchi.

Jobe 18:11

Mwongo wakumuchikimisa sali ni sali; nikumuzomba he ha tushijino twenyi.

Miaso (Masamu) 31:13

Mumu hinevwa kulamikiza cha anji, ni woma sali ni sali, shimbu mangutwama punga. Alitesele kuchiza mwono wami.

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Jeremia 14:18

Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 30:5

Yehova kanambe ngwenyi, Hitwevwa muteto wa mwongo, wa woma, ni sambukila ka.

Jeremia 4:10

Ami yingwamba ngwami, Mwene Yehova, hiwonga liakulu wano atu ni A-Yerusaleme ngwe, Muchipwa chipema ni yenu, alioze katana hanahete kwe ku mwono wo.

Jeremia 4:5

Ambenu mu Yunda; tambikenu mu Yerusaleme ngwenu, Humunenu chitavwi ndusu mu chifuchi, tambikenu ngwenu, Kungulukenu tukaye tukanjile mu yihunda ya kukolesa.

Jeremia 46:5

Kuchi te nachimona? Hevwa mwongo, hahilukila kunyima. Tujita two halambama, hachina fuji. Katalile kunyima— mwongo sali ni sali! Chocho kanambe Yehova.

Jeremia 49:29

Mapunda mbalaka jo ni yimuna jo, ni kurtina jo ni yikumba yo yeswe. Tumelu two maatambula, ni malunga matambika kuli ayo ngwo, Mwongo sali ni sali!

Jeremia 49:5

Mwene Yehova-wa-Tujita kanambe ngwenyi, Mungukukokela mwongo kuli waze eswe anakujingilika. Kumakanuhuma, mutu mweswe fwapu kumeso jenyi, mba kukuchi kapwa mutu makakungulula akwa kuchina.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Jeremia 8:15

Twafupile sambukila, alioze nichimwe chipema kuchejile. Twafupile matangwa a kuwuka, alioze mwongo wika wejile.

Lungungu 2:22

Walakenyene mwongo wami wa jita sali ni sali ngwe ku tangwa lia chiwanyino cha kufunjika, mba ha tangwa lia utenu wa Yehova niumwe wombokele, niumwe walisalile. Te waze nakangayikine, waze nalelele mukwa kole yami waonwene.

Ezekiel 21:17

Ni yami nawa mungulamba koshi ku moko jami, munguhwisa ufwatulo wami. Yami Yehova hinahanjika.

Ezekiel 7:18

Kakuzala chikeleyi; mwongo waafuka; sonyi jili ha meso eswe; eswe halitewula mitwe.

Luka 19:43

Mumu matangwa kumakeza hali yena, muze akwa kole je makakutambika mulumba wa mavu ha kukujingilika, makakuseleka, makakukwata ha malumbu eswe.