Jeremia 6:23 - MUKANDA USANDU WA ZAMBI 1975

²³ Kanakwata ku uta ni kunga, akwa uswi, keshi keke. Chinumo cho chinapu ngwe lundunjila wa kalunga-lwiji. Kanende hali tuvwalu; hanalilulika ngwe mutu ha jita, ya kulimika ni yena mwana-pwo Zaione.

Mukanda Wa Zambi 1970

²³ Kaanambata mata jo a kwasa ni mikwale yo; kaali yiswii, keeshi keke. Muze akwendela ha tuvwalu two, lushindu wo kali ngwe lundunjila wa kalunga lwiji. Haalulika kwasa jita ni Yerusaleme.”

Jeremia 6:23 Iomraidhean Croise

Izaya 10:32

Tangwa lia musono mamanyina ha Nobe ni kunuzozela kome, ku mulundu wa mwana-pwo Zaione, mulundu wa Yerusaleme.

Izaya 13:18

Mata jo kumakashiha akweze; kechi kavwila vumbi hali waze matuhuka mu jimo; kechi kavwila keke ana akepe.

Izaya 17:12

Cho kunuma cha mavungu anji, kananumu ngwe kunuma cha kalunga-lwiji! Cho kuchungula cha mavungu, kanachungula ngwe kuchungula cha meya anji!

Izaya 19:4

Mungukunjika A-Engitu kuli umwe mukalu kwayula. Umwe mwanangana wa uswi makaayula. Chocho kanambe Mwene Yehova-wa-Tujita.

Jeremia 25:32

Yehova-wa-Tujita kanambe ngwenyi, Chuma chikalu chinayi ku vungu ni vungu mba kangonga munene kanavunduka chize ku masongo a hashi kusuku.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 4:13

Talenu, kaneza ngwe malelwa, ni matemba jenyi ngwe chijimbi, tuvwalu twenyi kali ni tambu kuhiana pupa— lamba lietu, hitwanonga!

Jeremia 4:16

Towezenu mavungu, kaneza; lumbununenu kuli A-Yerusaleme ngwenu, Akwa kuseleka kanakatuka ku chifuchi kusuku kanakalumioka kulimika ni yihunda ya Yunda.

Jeremia 4:29

Ha Chizungozungo cha akwa tuvwalu ni ngashi yihunda yeswe yinachina. Kanaswame mu usaki; kananyina ku mawe; yihunda yeswe hanayichina, niumwe katwaminemo.

Jeremia 5:16

Chindalo cho cha mivu chapwa ngwe fuka lia washi o eswe akwa ndundo.

Jeremia 50:41

Talenu limwe vungu kulinakatuka ku Norte; atu a tachi ni mianangana anji kanalisungu ku masongo a hashi.

Jeremia 50:42

Kanakwata ku uta ni kunga; yiswi keshi keke. Chizungozungo cho chapwa ngwe lundunjila wa kalunga-lwiji. Kanende hali tuvwalu; kanazala ngwe mutu yoze unayi ku jita kulimika ni yena, mwana-pwo Babilonia.

Jeremia 6:4

Lulika jita ya kulimika nenyi ngwo; Katukenu tumulambe tangwa ha muchima! Lamba lietu mumu tangwa linasendala, yizulie ya chingoloshi yinasuha.

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Shimbi 28:49

Yehova makahetesa vungu limwe Unakatuka kusuku kulimika ni yenu, ku songo lia hashi, ngwe pupa wakuhumuka, vungu Umwe limi lialio enu kunuchi kulivwa,