Jeremia 6:22 - MUKANDA USANDU WA ZAMBI 1975

²² Yehova kanambe ngwenyi, Atu kaneza a ku chifuchi cha ku Norte. Vungu limwe linene linalisungu ku masongo a hashi kusuku.

Mukanda Wa Zambi 1970

²² Mwene Zambi kanambe ngwenyi: “Talenu, atu kaaneza a ku chifuchi cha ku norde, vungu lia tachi lia kusuku kaanalulika kwasa jita.

Jeremia 6:22 Iomraidhean Croise

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Jeremia 10:22

Ivwenu lufuma umwe! Kuchineza! Chizungozungo cha ku chifuchi cha Norte, yihunda ya Yunda yikalumuke ya hululu, yipombelo ya mikuza.

Jeremia 13:20

Hetulenu meso jenu numone waze anakatuka ku Norte. Mbunga yize ya mapanga akuhele, yilihiyo? Mbunga ye yipema?

Jeremia 25:32

Yehova-wa-Tujita kanambe ngwenyi, Chuma chikalu chinayi ku vungu ni vungu mba kangonga munene kanavunduka chize ku masongo a hashi kusuku.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 30:5

Yehova kanambe ngwenyi, Hitwevwa muteto wa mwongo, wa woma, ni sambukila ka.

Jeremia 4:16

Towezenu mavungu, kaneza; lumbununenu kuli A-Yerusaleme ngwenu, Akwa kuseleka kanakatuka ku chifuchi kusuku kanakalumioka kulimika ni yihunda ya Yunda.

Jeremia 4:6

Zundulenu mbandeira kutalikisa ku Zaione; chinenu ha ulamwino, kanda nulaluka, mumu ngunaneha chipi cha ku Norte, kwonwona chinene.

Jeremia 47:2

Yehova kanambe ngwenyi, Talenu meya kanakatuka ku Norte mba kumakapwa muhwiji wa kusupwoka. Kumakafuka chifuchi ni yize yeswe yilimo ni chihunda ni waze eswe atwamamo. Malunga makateta, ni akwa chifuchi eswe makalila mbimbi.

Jeremia 5:15

Yehova kanambe ngwenyi, Enu munyachi wa Izalele, ngunanukokela limwe vungu lia kusuku. Vungu lize Hapwa Ha kulinduluka, Hapwa Ha ku shakulu. Vungu limwe kunwanyingikine limi lio, ni chize mamba kuchichi kunulumbunuka.

Jeremia 5:16

Chindalo cho cha mivu chapwa ngwe fuka lia washi o eswe akwa ndundo.

Jeremia 6:1

Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Ezekiel 23:22

Kashika yena Oholiba, Mwene Yehova kanambe ngwenyi, Nyingika, munguvundula kulimika ni yena akwa zango lie waze watewulukile kuli ayo ni lwaji, hindu mungukaakungulwila kulimika ni yena sali ni sali;

Habakuke 1:6

Mumu ngunavundula A-Kaletea vungu lisasu lia kulipupula kakwenda ndusu utohe wa hashi akapunde mazuwo hi nijo ko.

Shimbi 28:49

Yehova makahetesa vungu limwe Unakatuka kusuku kulimika ni yenu, ku songo lia hashi, ngwe pupa wakuhumuka, vungu Umwe limi lialio enu kunuchi kulivwa,