Jeremia 6:21 - MUKANDA USANDU WA ZAMBI 1975

²¹ Kashika Yehova kanambe ngwenyi, Mungusa kulutwe lia wano atu yitalingiso hanga akalimbukileho, ni atato ni ana jo hamuwika, ni mwenyembo ni sepa makakuwa.

Mukanda Wa Zambi 1970

²¹ Mungukaatalingisa ni kwalimbwisa. Atato ni ana a malunga, ni masepa ni enyembo kumaakafwa.”

Jeremia 6:21 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Izaya 8:14

Iye kumakapwa chiswamo, ni liwe lia kuhukanyisa, luliwe lwa kutalingisa ku minyachi yeswe yiali ya Izalele. Mapwamuheto ni kambwila kuli akwa Yerusaleme.

Izaya 8:15

Anji makatalingaho; makalimbuka nikumakwoka makafwa mu kambwila, makakwachika.

Jeremia 13:14

Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Ezekiel 3:20

Chikwo nawa, nyi mukwa ululi makatuka ku ululi wenyi akalinge uhenge, mba yami ngukamusele chitalingiso, mafwa. Iye mafwila mutonga wenyi, ni yitanga yenyi ya ululi yize alingile kechi kayiwuluka; alioze manyinga jenyi ku kwoko lia yena mungwahula mumu kwamutowezele.

Ezekiel 5:10

Kashika malunga malia ana jo a malunga hakachi kenu; ni ana a malunga malia atato, mba mungulinga upatwilo hali yenu, ni waze malisalaho mungukanumwangina ku fuji jeswe.

Alevi 26:37

Kumakatalinga umwe hali mukwo ngwe atu waze machina katana, chipwe kaahangile niumwe. Kunuchi kupwa ni tachi ja kumana kumeso ja akwa kole jenu.

A-ROMA 11:9

David kanambe ngwenyi, Mesa yo yikapwe chitela, ni muheto, ni chitalingiso, ni fweto kuli ayo:

A-ROMA 9:33

Ngwe chinasonewa ngwo, Talenu mungusa mu Zaione liwe lia kuhukanyisa, ni luliwe lwa kutalingisa; ni yoze mafuliela kuli iye kechi kevwa sonyi.

1 Petulu 2:8

Chikwo ngwo, liwe lia kuhukanyisa, ni luliwe lwa kutalingisa; mumu kakuhukana ku liji, se keshi kwononoka: ku chize aatongwelele.