Jeremia 6:13 - MUKANDA USANDU WA ZAMBI 1975

¹³ Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Mukanda Wa Zambi 1970

¹³ Atu eswe anene ni akepe, kaaneseka kufumbula mbongo ni uhenge; chibwe akwa munanyi ni mahako kaakwonga atu.

Jeremia 6:13 Iomraidhean Croise

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Izaya 57:17

Mumu ha uhenge wa chipululu chenyi natenukine, namulambile, nafukile meso jami ni utenu, hindu wayile nikukokoloka mu jila ya mbunge yenyi mwene.

Jeremia 14:18

Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Jeremia 2:26

Ngwe mwiji kakwivwa sonyi ha kumukwata chocho akwa munyachi wa Izalele mevwa sonyi, o, ni mianangana jo, ni alemu jo, ni asasendote jo, ni aprofeta jo.

Jeremia 2:29

Yehova kanambe ngwenyi, Kuchi te nwakungusuma? Eswe hinwangukatukila.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Jeremia 27:15

Yehova kanambe ngwenyi, Chaatumine yami, hindu kanaprofeteza mahuza mu jina liami, kashika mungunuhuma mba munukakuwa, ni yenu ni aprofeta aze anaprofeteza kuli yenu.

Jeremia 32:32

mumu ha yipi yeswe ya ana ja Izalele a malunga ni ana ja Yunda a malunga yize alingile kungwihia—ni mianangana jo, ni alemu jo, ni asasendote jo, ni aprofeta jo, ni malunga ja Yunda ni waze atwama mu Yerusaleme.

Jeremia 42:1

Henaho tusongo eswe a maswalale, hamwe ni Johanane mwana Karea, ni Azaria mwana Hoshaia, ni atu eswe chize kuli akepe ndo kuli anene, yakundama,

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mika 3:5

Ha kutwala kuli aprofeta aze akupiangula atu jami, waze akwamba ngwo, Sambukila, muze maaha yuma ya kulia, alioze masa jita ni yoze kasele chuma mu makanwa jo, Yehova kanambe ngwenyi,

Luka 16:14

A-Fwariseu nawa, waze apwile akwa kufwila mbongo, evwile yino yuma yeswe; amukekwine.

1 Timoteu 3:3

hi mukwa chimbangwinya ku vinyu ko; hi mukwa kumbufula, ko; alioze chimbovu, hi mukwa ndombo ko; hi mukwa kufwila mbongo ko;

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.