Jeremia 6:12 - MUKANDA USANDU WA ZAMBI 1975

¹² Kumakahana mazuwo jo kuli akwo, ni minda yo ni mapwo jo hamuwika; mumu munguzoza kwoko liami kulimika ni akwa chifuchi. Chocho kanambe Yehova.

Mukanda Wa Zambi 1970

¹² Mazuwo jo maakaahana kuli atu eka, ni ye minda yo ni e mapwo jo. Akwa chifuchi chino mungukaamwesa lamba.

Jeremia 6:12 Iomraidhean Croise

1 Sango Ja Mianangana 21:16

David yahetula meso jenyi, yamona mungelo wa Yehova kanamana hakachi ka hashi ni lilu, ni katana wa kutomona mu kwoko lienyi kanamuzozo helu lia Yerusaleme. Henaho David ni makulwana, eswe anazala yikeleyi, yafulamana hashi.

Izaya 10:4

Nichimwe chasala chakuhi shina kuutama hakachi ka funge, hanji kufwa hakachi ka waze anaashihi. Chipwe chocho utenu wenyi kuwakondolokele; kwoko lienyi hindu kanalizozo.

Izaya 5:25

Kashika utenu wa Yehova wasasaminyine hali atu jenyi. Yazoza kwoko lienyi kulimika no; yaalamba, mba milundu yiyichikima, yivuvu yo yiyipwa ngwe yikongwakongwa hakachi ka matapalo. Chipwe chocho utenu wenyi kuwakondolokele, kwoko lienyi hindu kanalizozo.

Izaya 9:12

A-Seria ku Chivumbuko, ni A-Filistea ku Chitokelo, kakuwumbula A-Izalele ni makanwa a kupakula. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:17

Kashika Mwene kawahililile ni akweze jo; kavwilile keke ana-ashiwa ni tuliwa jo; mumu mutu mweswe chitanganyanyi ni chihenge, kanwa lieswe linahanjika uhepuke. Chipwe chocho utenu wenyi kuwakondolokele; kwoko lienyi hindu kanalizozo.

Izaya 9:21

Manase kanali Eframe, ni Eframe kanali Manase, mba hanalikate kulimika ni Yunda. Chipwe chocho utenu wenyi kuwakondolokele; kwoko lienyi hindu kanalizozo.

Jeremia 15:6

Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Jeremia 21:5

Yami mwene mungwasa jita ni yenu ni kwoko lia kuzoza ni lia tachi, ni utenu, ni chijinde, ni ufwatulo unene.

Jeremia 38:22

mapwo eswe waze asala mu zuwo lia mwanangana wa Yunda te maatwala kuli alemu ja mwanangana wa Babilonia nikwamba ngwo, Masepa je aze waafulielele hanakwongo, hanakukumbu. Haliapwila muze molu je anashimbama mu malowa kanakutewulula meso jo.

Jeremia 38:23

Mapwo jenu eswe ni ana jenu eswe a malunga makaatwala kuli A-Kaletea ni yenu mwene kunuchi kapuluka kuli ayo. Mwanangana wa Babilonia kumakanukwata ni chihunda chino makachocha ni kahia.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 8:10

Kashika munguhana mapwo jo kuli akwo, ni minda yo kuli akwa kukumba, mumu chize kuli mukepe wahiana ndo kuli munene Wahiana, eswe kali ni chipululu cha kufumbuka cha uhenge. Chize kuli profeta ndo kuli sasendote eswe kakulinga ni mahuza.

Lungungu 2:8

Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Lungungu 3:3

Pundu kakutalikisa kwoko lienyi kulimika ni yami kanji kanji tangwa lieswe nganganga.

Lungungu 5:11

Mapwo kakwapikapika mu Zaione ni ana-mapwo jetu nawa mu yihunda ya Yunda.

Lungungu 5:2

Chihinga chetu hachihana kuli yilambala; mazuwo jetu haahana kuli tundaka.

Lungungu 5:3

Hitwalumuka ana-shiwa, kutushi yisemi amama hapwa tuliwa.

Ezekiel 35:3

wambe ngwe, Mwene Yehova kanambe ngwenyi, Kunalimika ni yena mulundu wa Sere, kashika mungukazoza kwoko liami kulimika ni yena, mba mungukakupwisa wa kwenyeka, wa hululu.

Ezekiel 7:24

Waze ahiana kupiha hakachi ka mavungu mungwaneha akazuke mazuwo jo. Mungukasulisa tachi jo ja kulengumuka, ni yihela yo yisandu mayijilula.

Mika 2:4

Ha tangwa lize makanwimbila mwaso wa kuchoka makalila mbimbi ni liji lisasu. Makamba ngwo, Hanatulumbula liakulu. Hanalumuna chihinga cha atu jami. Kanachichiza kuli yami Chichize! Kanapangila minda yetu hakachi ka akwa kutukwata.

Zefania 1:13

Mapunda yikumba yo; menyeka mazuwo jo. Chipwe matunga mazuwo kechi katwamamo. Chipwe matumba miuva, kechi kanwa vinyu yayo.

Zefania 1:4

Mungukolola kwoko liami kulimika ni Yunda ni kulimika ni akwa Yerusaleme eswe. Mungukateta masalila ja Mbale kuma kwo kuno, ni lie jina lia asasendote ja mahamba,