Jeremia 6:11 - MUKANDA USANDU WA ZAMBI 1975

¹¹ Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Mukanda Wa Zambi 1970

¹¹ Ufwatulo we wakulimika no ni yami nawa unangwocho, Mwene Zambi, yuma yino ni yami chahashile kulihumikiza nayo nawa.” Mba Mwene Zambi yangwamba ngwenyi: “Nyi Chenacho, solola ufwatulo wami hali ana mu majila ni ha mbunga ya akweze. Malunga ni mapwo jo, chibwe tushinakaji maakaatwala mu undungo.

Jeremia 6:11 Iomraidhean Croise

Izaya 40:30

Chipwe akweze malezumuka nikwivwa yikatalo, ni akweze a tachi mahonga,

Jeremia 15:17

Chatwamine hamuwika ni akwa chiseke, chipwe kulikwiza. Natwamine ukwawami mumu kwoko lie liapwile hali yami, mumu hiwanguzalisa ni wuli.

Jeremia 15:6

Yehova kanambe ngwenyi, Hiwalituna yami, wakuyaya unyimenyime, kashika hinolola kwoko liami kulimika ni yena ni kukwonwona. Janguhwa nikulikoneka.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 5:9

Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe liapwa ngwe lino nyi?

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Lungungu 1:15

Mwene walelesele malunga jami eswe a ndundo hakachi kami. Wasanyikine chikungulwila cha kulimika ni yami akafwenye akweze jami. Mwene haliata mwe mwana-pwo virgem Yunda ngwe ukamino wa uva.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 3:14

Spiritu yanguzundula, yangumbata; yinguya ni kusasa ni kusasaminya cha spiritu yami mumu kwoko lia Yehova te lili hali yami ni tachi.

Ezekiel 3:3

Aye yamba kuli yami ngwenyi, Mwana mutu, liako mukanda uno ngunakwehe ukakute nawo. Yinguulia, yiupwa mu kanwa liami uyema ngwe wuchi.

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Luka 17:34

Ngwami, Ha ufuku uze kumukukapwa malunga aali ha muhela umuwika; makachiza umwe, makahichika mukwo.

Yilinga 17:16

Alioze shimbu Paulu aatachile mu Atene, Spiritu yenyi yakasumukine muli iye, ha kumona limbo lia tò ni mahamba.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 4:20

mumu yetu kutwahashile shina kuhanjika yuma yize twamwene, twevwile.

Usolwelo 16:1

Mba nevwile liji linene lia kukatuka ku tembele, Unambe kuli angelo shimbiali ngwo, Yénu, nukamwange misenge ya ufwatulo wa Zambi hashi.