Jeremia 6:10 - MUKANDA USANDU WA ZAMBI 1975

¹⁰ Kuli iya munguhasa kuhanjika nikumutoweza hanga akangwivwe? Matwi jo hanajiki, kahashile kupanjika. Liji lia Yehova liapwa kuli ayo chuma cha kulelesa, kawahililile nalio.

Mukanda Wa Zambi 1970

¹⁰ Yingukumbulula ngwami: “Iya mangubanjika nyi mungwakanyamisa? Kaali kwo akwa pami, kaakulituna kubanjika maliji je; kaakulelesa kwo yeswe yize wakungwamba ha kwalweza.

Jeremia 6:10 Iomraidhean Croise

Miaso (Masamu) 1:2

Alioze kuwahilila chenyi chili mu shimbi ja Yehova. Kakupukuna mu shimbi jenyi mwalwa ni ufuku.

Miaso (Masamu) 119:16

Munguwahilila mu yiyulo ye. Chichi kuvulama liji lie. Ngimele

Miaso (Masamu) 119:174

Yehova, ulamwino we kunauvwila usona. Shimbi ye yapwa uwahililo wami.

Miaso (Masamu) 119:24

Shindakenyo je kujapwa chiseke chami kanda jikwa kunguyula. Ndalete

Miaso (Masamu) 119:35

Ungwendese kama mu jila ya shimbi je, mumu nakuwahililamo.

Miaso (Masamu) 119:70

Mbunge jo jatoha ngwe maji, alioze yami nakuwahilila mu shimbi ye.

Miaso (Masamu) 119:77

Keke ye yinene yikeze kuli yami, ngutwame ni mwono, mumu shimbi ye yapwa chiseke chami.

Miaso (Masamu) 40:8

Ngunawahilila kulinga upale we, Zambi yami. Ewa, shimbi je jinasonewa muchima lia mbunge yami.

Kutuhuka 6:12

Mose yahanjika kumeso ja Yehova ngwenyi, Mwane, A-Izalele kahalakanyine kuli yami, ka, ngwe kuchi Falau mangwivwa, yami nguli mukwa chilimi?

Izaya 42:20

Yuma yinji anamono alioze kayipalile; matwi jenyi awashi alioze kapanjikile.

Izaya 53:1

Iya hanafuliela lusango wetu? Kuli iya hanasolola kwoko lia Yehova?

Jeremia 35:13

Yehova-wa-Tujita, Zambi ya Izalele kanambe ngwenyi, Yako ukambe kuli malunga ja Yunda ni akwa Yerusaleme ngwe, Yehova kanambe ngwenyi, Kunuchi katambula longeso nukevwe maliji jami?

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Jeremia 9:26

A-Engitu, ni A-Yunda, ni A-Endome, ni ana ja Amone, ni A-Moape, ni waze eswe atwama mu puya akupatula mbango ja kambu jo, mumu mavungu wano eswe yilima, ni akwa munyachi wa Izalele eswe kapwa yilima mu mbunge.

Ezekiel 3:7

Alioze akwa munyachi wa Izalele kechi kukwivwa, mumu kazangile kungwivwa yami. Mumu akwa munyachi wa Izalele eswe kali ni mahuma akalu, ni mbunge ja pami.

Ezekiel 33:3

nyi iye mamona katana kaneza ha chifuchi mahumuna chitavwi nikutoweza atu;

Ezekiel 33:9

Alioze nyi yena mutoweza chingulungulu kukatuka ku ndako jenyi, aye kakatukileko, kumafwa mu uhenge wenyi, alioze yena hiwalamwina mwono we.

Amose 7:10

Henaho Amazia sasendote wa Mbetele yatuma kuli Jeroboame mwanangana wa Izalele ngwenyi, Amose hakutwama punga hakachi ka munyachi wa Izalele, ni chifuchi kuchichi kuhasa kujikiza ni maliji jenyi eswe.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Luka 11:45

Mba umwe wa kuli akwa shimbi wamukumbulwile, ngwenyi, Longeshi, ha kwamba yino yuma unatusaula nawa.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Yoano 7:7

Akwa hashi kahashile kunuvwila kole; alioze yami kakunguvwila kole, mumu nakushindakenya hali ayo, ngwami, Yitanga yo ya ungulungulu.

Yoano 9:40

Waze a kuli A-Fwariseu apwileko hamwe nenyi, evwile yino yuma, o ambile kuli iye ngwo, Ni yetu nawa tuli tupuputa, nyi?

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

A-ROMA 7:22

Mumu nakuwaha mu shimbi ya Zambi nikulita ni mutu wa muchima:

Shimbi 29:4

Alioze Yehova kanuhele mbunge ya kunyingika, ni meso a kumona, ni matwi a kwivwa, ndo ku tangwa lino.

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

2 Timoteu 4:3

Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.