Jeremia 6:1 - MUKANDA USANDU WA ZAMBI 1975

¹ Enu atu ja Mbenjamine Chinenu mu Yerusaleme, nukawane ulamwino! Humunenu chitavwi mu Tekoa, senu chilayi ha Mbete-hakereme. Mumu chipi chinamoneka ku Norte, ni kwonwona chinene.

Mukanda Wa Zambi 1970

¹ Yenu vungu lia Benjamine, Chinenu hanga nulilamwine! tuhukenu mu Yerusaleme! Humunenu chitavwi mu chihunda cha Tekoa, Senu chimwe chinyingi cha kahia mu chihunda cha Bete Hakereme. Lamba ni kwonona kuyinakatuka ku norde.

Jeremia 6:1 Iomraidhean Croise

2 Samuel 14:2

Kashika Joabe yatuma ku Tekoa yasaka umwe pwo mukwa mana. Yamba kuli iye ngwenyi, Ulionge kama kupwa ngwe umwe wafwisa mutu. Zala kama mazalo a tuliwa. Kanda ulikwita maji alioze pwako ngwe umwe halinyengena mufu shimbu linene.

2 Sango Ja Mianangana 11:6

Yatunga Mbeteleme, ni Etame, ni Tekoa,

Nehemia 3:14

Chikolo cha pinga yachilulika kuli Malekia mwana Rekabe, mukwa kuyula chifuchi cha Mbete-hakereme. Yachitunga ni kumika mapito jako, ni yikungo yako, ni njalo jako.

Nehemia 3:5

Yahatako ha kululika A-Tekoa, alioze alemu jo kasele kota jo ku milimo ya mwene wo.

Jeremia 10:22

Ivwenu lufuma umwe! Kuchineza! Chizungozungo cha ku chifuchi cha Norte, yihunda ya Yunda yikalumuke ya hululu, yipombelo ya mikuza.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 4:29

Ha Chizungozungo cha akwa tuvwalu ni ngashi yihunda yeswe yinachina. Kanaswame mu usaki; kananyina ku mawe; yihunda yeswe hanayichina, niumwe katwaminemo.

Jeremia 6:22

Yehova kanambe ngwenyi, Atu kaneza a ku chifuchi cha ku Norte. Vungu limwe linene linalisungu ku masongo a hashi kusuku.

Amose 1:1

Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Amose 3:6

Atu kechi kwivwa woma nyi hasunga chitavwi mu chihunda? Chuma chikalu muchiwana chihunda nyi Yehova kachitumine?

Zakaria 6:6

Temba lia tuvwalu alá linayi kutalikisa ku chifuchi ku Norte; atoma kanayi kutalikisa ku chifuchi ku Chitokelo; akwa yipekayipeka o kanatalikisa ku chifuchi ku Sule.

Yoshua 15:63

Alioze A-Yepushe waze atwamine mu Yerusaleme A-Yunda kahashile kwahuma. Kashika A-Yepushe anatwama ni A-Yunda mu Yerusaleme ndo musono.

Akwa Kuyula 1:21

Alioze A-Mbenjamine kahumine A-Yepushe waze atwama mu Yerusaleme. Kashika A-Yepushe atwama mu Yerusaleme hamuwika ni A-Mbenjamine ndo musono.