Jeremia 52:6 - MUKANDA USANDU WA ZAMBI 1975

⁶ Ha tangwa liamuchilivwa lia kakweji wamuchiwana zala yapwile yinji mu chihunda; kukwapwile mbolo hali akwa chifuchi.

Mukanda Wa Zambi 1970

⁶ Ha tangwa lia muchilivwa lia kakweji wa muchiwana wa mwaka uzewene, mu limbo yimubwa zala yinji. Atu yaahona yuma yakulia. Mwaabwamuze tujita twa Babilonia

Jeremia 52:6 Iomraidhean Croise

1 MIANANGANA 25:3

Ha tangwa liamuchilivwa lia kakweji wamuchiwana zala yapwile yinji mu chihunda; kukwapwile mbolo hali akwa chifuchi.

Izaya 3:1

Mumu Mwene Yehova-wa-Tujita kanachiza kuli A-Yerusaleme ni A-Yunda ni pango ni mulumbu, ujikijilo weswe wa mbolo, ni ujikijilo weswe wa meya;

Jeremia 15:2

Mba muze makuhula ngwo, Kulihi mutuya? Amba kuli ayo ngwe, Yehova kanambe ngwenyi, Waze hanaasela chilungo, aye ku chilungo, ni waze hanaasela katana, aye ku katana. Waze hanaasela kapunga, aye ku kapunga, ni waze hanaasela ufunge, aye ku ufunge

Jeremia 19:9

Mungukaakunjika kulia musunya wa ana jo a malunga ni a mapwo. Mweswe malia musunya wa mwenyembo wenyi mumu ha lamba muze maseleka chihunda kuli akwa kole jo waze anafupu kwashiha.

Jeremia 21:9

Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Jeremia 25:10

Chikwo nawa munguchiza kuli ayo liji lia kuseha ni liji lia chiseke, ni liji lia sandungi ni lia ndungi, ni zungo lia kutwa, ni pangu lia ndeya.

Jeremia 37:21

Kashika mwanangana Zedekia yatuma, mba yatwala Jeremia ku yize ya tulayi. Yamwaha nawa mbolo yimuwika tangwa ha tangwa ya ku tapalo lia akwa mbolo, ndo mbolo yeswe ya mu chihunda hiyahwa. Chocho Jeremia yatwama ku yize ya tulayi.

Jeremia 38:9

Mwene wami mwanangana, wano malunga halinga chipi mu yino yeswe halinga kuli Jeremia ha kumumbila mu wina. Kumafwilamo ni zala mumu mbolo kuyishimo mu chihunda.

Jeremia 39:2

Ha mwaka kumi ni kashi wa Zedekia ni kakweji wamuchiwana ni tangwa liamuchilivwa lia kakweji, chihunda yachilokola.

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Lungungu 5:10

Kowa lietu liasasaminya ngwe jiko, ni kusasaminya cha kapunga.

Ezekiel 14:13

Mwana mutu, muze chifuchi chimwe muchinguvulumuna ha kulinga ni mafwefwe, ni yami munguzoza kwoko liami kulimika nacho, nikumakuna mulumbu wacho wa mbolo nikutumako kapunga, nikusutulaho atu ni tushitu,

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 31:1

Ha mwaka kumi ni kashi, ni kakweji wamuchitatu, ni tangwa litangu lia kakweji, liji lia Yehova yiliza kuli yami ngwenyi,

Ezekiel 5:16

muze mungukanukonga mivu yami ya kapunga wa kushiha, ni mivu ya kwonwona yize mungukakonga kunwonwona, muze mungukanukokela kapunga mukwo ni mukwo, ni kumakuna mulumbu wenu wa mbolo.

Ezekiel 7:15

Haze katana uliko; muchima chilungo ni kapunga. Yoze uli mu yambu mafwa ni katana; yoze uli mu chihunda manonga ni kapunga ni chilungo.

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Shimbi 32:24

Makawangama ni zala. Makakuwa ni kusasaminya chá, ni yilungo ya utende. Mungwatuma mazo a ngongo ni utende wa tushitu a kukalala mu fufuta.