Jeremia 51:9 - MUKANDA USANDU WA ZAMBI 1975

⁹ Twazangile kuwuka Babilonia alioze aye kazangile. Himwehukenu eswe, tatuye mutu mweswe ku chifuchi chenyi, mumu upatwilo wenyi hiwaheta ndo kwilu hiwazunduka ndo ku malilu.

Mukanda Wa Zambi 1970

⁹ Yilambala waze te atwama ko yaamba ngwo: ‘Yitweseka kuwuka Babilonia, alioze kuma te tangwa hiliabalika. Haliabwila tumuhichikenu, tuhilwoke ku mahietu. Zambi, ni ndundo jenyi jeswe, hamwesa Babilonia lamba, hamwenyeka liakulu.’ ”

Jeremia 51:9 Iomraidhean Croise

2 Sango Ja Mianangana 28:9

Alioze kwapwileko umwe profeta wa Yehova jina lienyi Odede. Aye yaya kupatwiza tujita ha kuheta ku Samaria. Yamba kuli ayo ngwenyi, Ivwenu; Yehova Zambi ya tulamba twenu watenukine ni A-Yunda, kashika yaakunjika mu moko jenu, mba yenu hinwaashiha ni ufwatulo umwe wa kuheta mwilu.

Ezra 9:6

Yingwamba ngwami, Zambi yami, ngunevu kú, ni mutwe yipu! Sonyi ngunevu kuhetula meso jami kuli yena Zambi yami. Mumu uhenge wetu hiwalumbama helu lia mitwe yetu, ni uhie wetu hiwaliwezela ndo ku malelwa.

Izaya 13:14

Mutu mweswe makatalikisa kuli atu jenyi mwene, mutu mweswe makachinyina ku chifuchi chenyi mwene, ngwe kai yoze anamuhange, ngwe mapanga keshi ni akwa kwakungulula.

Izaya 47:15

Kuli yena chocho anapu waze wahondangana no, hasepa ni yena chize ku ukweze we. O kakulihiza mutu mweswe mu jila yenyi, alioze yoze makulamwina wakuhi.

Jeremia 46:16

Chihuji chenu chatalingile, chalimbukile. Yamba umwe kuli mukwo ni mukwo ngwo, Katuka tuye nawa kuli atu jetu kwe ku chifuchi cha kusemuka chetu, mumu ha katana ka mukwa kupinjisa.

Jeremia 46:21

Chipwe maswalale jenyi a kufweta hakachi ka iye kapwa ngwe ana a ngombe a maji; ewa, eswe hanalumuka ni kuchina hamuwika; kamanyine. Mumu tangwa lio lia kuji-ni-tomo hiliaawana, mwaka wa kastigu yo.

Jeremia 50:16

Tetenu mu Babilonia chikuwa ni mukwa kuteta ni kwengo ha mwaka wa kucha. Ha mukunda wa katana ka mukwa kupinjisa mutu mweswe matalikisa kuli atu jenyi, mutu mweswe machinyina ku chifuchi chenyi.

Jeremia 8:20

Matangwa a kucha hanapalika, mwaka wa vumbi hiwahwa, ulamwino kutwauwanyine!

Hosea 7:13

Lamba lio mumu hanahambuluka kuli yami! Akaonwone, mumu hanangukatukila! Ami ngunafupu kwakula, alioze kakuhanjika mahuza a kulimika ni yami.

Usolwelo 18:4

Mba nevwile liji likwo lia kukatuka mwilu, ngwo, Tuhukenumo, atu jami, hanga kunuchi kaliendela ni milonga yenyi, hanga kunuchi katambula ya ku lamba lienyi;

Usolwelo 18:5

mumu milonga yenyi hiyaheta ndo mwilu, ni Zambi hanewuluka yitanga ya uhenge wenyi.