Jeremia 51:7 - MUKANDA USANDU WA ZAMBI 1975

⁷ Babilonia wapwile musenge wa oru mu kwoko lia Yehova, wa kuzengewesa akwa hashi eswe. Mavungu eswe anwine vinyu yenyi, kashika mavungu eswe azalukile.

Mukanda Wa Zambi 1970

⁷ Babilonia yabwa ngwe musenge wa oru mu kwoko liami, wakuzengesa akwa hashi eswe. Mavungu yaanwa vinyu yenyi, yaazauka.

Jeremia 51:7 Iomraidhean Croise

Izaya 14:4

henaho munuyunga mwanangana wa Babilonia ni maliji wano ngwenu, Mukwa kupinjisa hasula Chichize! Ufwatulo wa lenyo hiwasula chocho!

Jeremia 13:13

Mba yena muwamba kuli ayo ngwe, Yehova kanambe ngwenyi, Kumungukazalisa akwa chifuchi chino eswe ni kuzengewa, chipwe mianangana waze anatwama ha ngunja ya David, chipwe asasendote, chipwe aprofeta ni waze eswe atwama mu Yerusaleme.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 50:38

Kwize changa ha njiji jenyi jikome jeswe. Mumu chifuchi chize chifuchi cha tuponya, hanazaluka ni mahamba jo.

Ezekiel 23:42

Chimbangwinya cha mbunga ya akwa lwelia wapwile nacho. Hamwe ni malunga amokomoko wachijile akwa kuzengewa ku puya. O asele makai ha moko ja mapwo ni yipangula yipema ha mitwe yo.

Daniel 2:32

Mutwe wa kaponya wapwile wa oru yipema; pambo lienyi ni moko yapwile ya prata; jimo lienyi ni mashina ja molu yapwile ya unengu;

Daniel 2:38

kuli yenu hanakunjika ana ja atu kweswako atwama, ni tushitu a mu yambu, ni tujila a mu tetela, ni kunupwisa mukwa kwayula eswe—yenu nuli we mutwe wa oru.

Usolwelo 14:8

Ni mukwo, mungelo wamuchiali, wakawile, ngwenyi, Babilonia yinene hiyapuzuka, hiyapuzuka, yize yanwishine mavungu eswe vinyu ya ufwatulo wa utanji wenyi.

Usolwelo 17:2

Yoze mianangana ja hashi hanalingi nenyi utanji, ni akwa hashi hanazengewa ni vinyu ya utanji wenyi.

Usolwelo 17:4

Ni pwo wazalile mahina ja ufungo ni ngengu, walejimine ni oru, ni mawe alemu, ni kakanga, kali ni musenge wa oru mu kwoko lienyi unazala ni yizelwokeso, te yuma ya luchisa ya utanji wenyi.

Usolwelo 18:23

Ni pangu lia ndeya kulichi kapanguka nawa nichimwe muli yena; ni liji lia sandungi ni lia ndungi kechi kalivwa nawa nichimwe muli yena; mumu akwa kutalikila je apwile mahando ja hashi; mumu ni yipandapanda ye apiangwile mavungu eswe.

Usolwelo 18:3

Mumu mavungu eswe hananu ku vinyu ya ufwatulo wa utanji wenyi, ni mianangana ja hashi hanalingi nenyi utanji, ni akwa kutalikila hanalipichisa ku tachi ja kuhungumuka chenyi ni yipi.

Usolwelo 19:2

Mumu upatwilo wenyi wamwenemwene ni wa ululi: mumu hanapatwila chikoi munene, yoze wapihishile hashi ni utanji wenyi, hanakale manyinga ja ndungo jenyi ku kwoko lienyi.