Jeremia 51:61 - MUKANDA USANDU WA ZAMBI 1975

⁶¹ Jeremia wambile kuli Seraia ngwenyi, Muze muheta ku Babilonia tanga wano maliji eswe,

Mukanda Wa Zambi 1970

⁶¹ Yingulweza Seraya ngwami: “Muze hiwaheta ku Babilone, ukatanga ku meso ja atu eswe yuma yize hinasoneka.

Jeremia 51:61 Iomraidhean Croise

Jeremia 51:60

Jeremia wasonekene mu mukanda yuma yikalu yize yeswe muyiza ha Babilonia, te maliji wano eswe hanasoneka ha kutwala ku Babilonia.

Jeremia 51:62

ukambe ngwe, Yena Yehova hiwamba ha kutwala ku chifuchi chino ngwe, Munguchitetaho hanga nichimwe muchikatwamamo nawa, chipwe atu, chipwe tushitu, chikapwe cha hululu ndo ku miaka.

Mateu 24:1

Yesu watuhukile mu tembele, wayile mu jila yenyi, ni tumbaji twenyi ejile kuli iye mukumwinyikina mazuwo ja tembele.

Marku 13:1

Shimbu machituhuka mu tembele, umwe wa kuli tumbaji twenyi yamba kuli iye ngwenyi, Longeshi, tala mawe apwa haha! ni mazuwo apwa haha!

Kolosu 4:16

Muze mukanda uno hautanga hakachi kenu, nukautangise nawa mu chikungulwila cha A-Laotisea, ni yenu nawa nukatange uze wa ku Laotisea.

1 Tesalonika 4:18

Kashika lilembejekenu umwe ni mukwo ni maliji ano.

1 Tesalonika 5:27

Ngunanushinji kuli Mwene akatange mukanda uno kuli mandumbu eswe asandu.

Usolwelo 1:3

Kawaha yoze matanga, ni waze mevwa maliji a uprofeto, waze mafunga yuma yize yinasonewamo: mumu mwaka hakamwihi uli.