Jeremia 51:6 - MUKANDA USANDU WA ZAMBI 1975

⁶ Chinenu hakachi ka Babilonia, mutu mweswe alamwine mwono wenyi! Kanda anusutula mu kastigu yenyi mumu mwaka wa kukala wa Yehova, uno, che kufwetesa chenyi kuli iye.

Mukanda Wa Zambi 1970

⁶ Aisraele ni Ayuda Chinenu Ababilonia! Chinenu nulamwine miono yenu! Kanda anushiha mumu ha milonga ya Ababilonia. Haliabwila ngunamwesa Ababilonia lamba ngwe chize ayo amwesene akwo lamba.

Jeremia 51:6 Iomraidhean Croise

Miaso (Masamu) 94:1

Yehova, Zambi mukwa kukala; Zambi mukwa kukala, temuka kama.

Yishima 13:20

Nyi muwenda ni akwa mana ni yena nawa muopwa ni mana; alioze mweswe malikata ni yihepuke kumakevwa kusasaminya.

Izaya 48:20

Katukenu ku Babilonia! Chinenu Kaletea! Ambululenu chino ni liji lia kulikwiza, chivwisenu! Tumenu liji lino ndo ku songo lia hashi. Ambenu ngwenu, Yehova hakula kavumbi kenyi Yakomba.

Izaya 63:4

Mumu tangwa lia kufwetesa liapwile mu mbunge yami, mwaka wami wa kukula hiwaheta.

Jeremia 25:14

Mumu mavungu anji ni mianangana anene makaapwisa tupinji mba mungwafwetesa nikulita ni yitanga yo ni milimo ya moko jo.

Jeremia 25:16

Kumakanwa, kumakapiepieta, kumakazaluka mumu ha katana ngunatumu hakachi ko.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Jeremia 48:6

Chinenu! Lilamwinenu! Pwenu ngwe chimbulu wa mu puya!

Jeremia 50:15

Kalumukenu kweswe kwa kumujingilika mumu halikunjika. Mbonge jenyi hijapuzuka, yipanga yenyi ya mawe hayinunguna. Che kufwetesa cha Yehova chenacho kashika ni yenu mufwetesenu. Lingenu kuli iye chize iye hanalingi.

Jeremia 50:28

Halakanenu! Kanachina akombokele ku chifuchi cha Babilonia akambulule mu Zaione kukala cha Yehova Zambi yetu, ha kukala chize alingile ku tembele yenyi.

Jeremia 50:31

Mwene Yehova-wa-Tujita kanambe ngwenyi, Ena mukwa kulengumuka, kunalimika ni yena; mumu tangwa lie hiliaheta, we mwaka wa kukwaha kastigu ye.

Jeremia 50:8

Chinenu hakachi ka Babilonia. Tuhukenu mu chifuchi cha A-Kaletea nukapwe ngwe kuji ja pembe kulutwe lia mbunga.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 51:36

Kashika Yehova kanambe ngwenyi, Mungukuhakwila mungukukalila. Munguumisa kalunga-lwiji kenyi, munguumisa fuji lienyi lia meya.

Jeremia 51:45

Enu atu jami katukenu muli iye! Mutu mweswe alamwine mwono wenyi ku utenu usasu wa Yehova!

Jeremia 51:50

Enu kunwafwile ni katana yénu, kanda numana chizechene! Iwulukenu Yehova chipwe nuli kusuku. Yerusaleme nuyiwuluke mu manyonga jenu ngwenu,

Jeremia 51:56

mumu chonwonyi hamuwana, mwe Babilonia; tujita twenyi Hanakwachika, mata jo kanamakwoka mumu Yehova iye Zambi wa kufwetesa. Pundu kumakafwetesa.

Jeremia 51:9

Twazangile kuwuka Babilonia alioze aye kazangile. Himwehukenu eswe, tatuye mutu mweswe ku chifuchi chenyi, mumu upatwilo wenyi hiwaheta ndo kwilu hiwazunduka ndo ku malilu.

Lungungu 3:64

Yena Yehova muwafwetesa nikulita ni yitanga ya moko jo.

Kwalula 16:26

Yamba ku chikungulwila ngwenyi, Akwetu! Katukenu ku mbalaka ja wano yingulungulu, kanda nukwata yuma yo niyimwe, kuchina manumanuna mumu ha milonga yo yeswe.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Shimbi 32:41

Nyi munguhela katana kami ka uhenya nikukwata ku upatwilo, kumungulikala hali akwa kulimika ni yami mungufweta waze akunguvwila kole.

Shimbi 32:43

Enu mavungu, halisenu atu jenyi, mumu hafwetesa manyinga a tuvumbi twenyi. Yalikala hali akwa kulimika nenyi. Hapemesa chifuchi cha atu jenyi.

1 Timoteu 5:22

Kanda ukasayika moko nikawashi hali mutu niumwe, chipwe kanda ulikunda ni milonga ya mbala: ukalinange.

Usolwelo 16:19

Ni limbo Hapulikile yihanda yitatu; ni membo ja mavungu apuzukile: ewulukile Babilonia kumeso ja Zambi, mukunwaha musenge wa vinyu ya ufwatulo wa utenu wenyi.