Jeremia 51:57 - MUKANDA USANDU WA ZAMBI 1975

⁵⁷ Munguzengewesa alemu jenyi ni akwa mana jenyi, ni anguvulu jenyi, ni tupitau twenyi, ni tujita twenyi. Kumakapomba tulo twa mutolo nikulaula ka. Chocho kanambe mwe Mwanangana, jina lienyi Yehova-wa-Tujita.

Mukanda Wa Zambi 1970

⁵⁷ Akwa kuyula jenyi mungwazengesa, akwa mana, ni miata, ni tujita. Kumaaya tulo keechi kuhinduka nawa. Yami mwanangana nachamba, nguli Mwene Zambi Mukwa Ndundo Jeswe.

Jeremia 51:57 Iomraidhean Croise

Izaya 37:36

Mba mungelo wa Yehova yatuhuka, yalamba mu chilombo cha A-Asuria kulakaji lia tununu ni makumi nake a tununu ni tununu atano. Muze akwo halaula chimenemene kumanyi eswe apwile afu.

Izaya 44:25

Mukwa kufuwisa yinyingi ya akwa mahuza, kakuhepwisa tahi, kakuhilwisa kunyima akwa mana, nikupwisa mana jo uhepuke;

Izaya 6:5

Ami yingwamba ngwami, Lamba liami! Ngunatoko, mumu nguli mukwa mivumbo ya luchisa, natwama hakachi ka akwa mivumbo ya luchisa; mumu meso jami hamona Mwanangana, Yehova-wa-Tujita.

Jeremia 13:13

Mba yena muwamba kuli ayo ngwe, Yehova kanambe ngwenyi, Kumungukazalisa akwa chifuchi chino eswe ni kuzengewa, chipwe mianangana waze anatwama ha ngunja ya David, chipwe asasendote, chipwe aprofeta ni waze eswe atwama mu Yerusaleme.

Jeremia 25:27

Mba muwamba kuli ayo ngwe, Yehovawa-Tujita, Zambi ya Izalele kanambe ngwenyi, Nwenu, nukazengewe, nukasaze. Limbukenu kanda nukatuka nawa, mumu ha katana yoze ngunatumu hakachi kenu.

Jeremia 46:18

Mwe Mwanangana jina lienyi Yehova-wa-Tujita kanambe ngwenyi, Ni mwono wami, chizechene ngwe Tabore hakachi ka milundu, ngwe Karmela ku kalunga-lwiji chocho meza.

Jeremia 48:15

Mwe Mwanangana jina lienyi Yehova-wa-Tujita kanambe ngwenyi, Mukwa kwonwona Moape ni yihunda yako haneza mba akweze jenyi ahiana kupema hanayi ku chishihilo.

Jeremia 50:30

Kashika akweze jenyi mafwa ku malindalinda ja matapalo jenyi, ni maswalale jenyi eswe kumakaonwona ha tangwa lize. Chocho kanambe Yehova.

Jeremia 51:39

Shimbu kanachivunduka mungwalulikila chiteleka akazengewe ndo malezumuka, akaye tulo a mutolo nikuhinduka nawa ka. Chocho kanambe Yehova.

Ezekiel 20:33

Mwene Yehova kanambe ngwenyi, Ni mwono wami, pundu, ni kwoko lia ndundo ni lia kuzoza, ni ufwatulo wa kuzukula, kumungukapwa mwanangana wenu.

Nahume 1:10

Kakwalalisa ngwe mikalale ya kuliselieka. Shimbu machizengewa makaalalisa ngwe mwambu umu.

Nahume 3:18

Mwanangana wa Asuria, tufunga twe mu tulo ali; alemu je kananongwoka. Atu je hanamwangana ha milundu ni akwa kwakunga akuhi.

Malaki 1:14

Akashingiwe mukwa kwonga auze kali ni kuji mu limba lienyi, mba mamulakenya ni shingo alioze malambula kuli Mwene chize Chinapiha. Mumu Yehova-wa-Tujita kanambe ngwenyi, Nguli mwanangana munene, ni jina liami kakulivwila woma hakachi ka mavungu.

Usolwelo 18:9

Ni mianangana a hashi waze hanalingi utanji, waze hanahungumuka ni yipi hamwe nenyi, kumakalinyenga, makalila mbimbi hali iye, muze mamona mwishi wa kuwema chenyi.