Jeremia 51:53 - MUKANDA USANDU WA ZAMBI 1975

⁵³ Chipwe Babilonia manyina ku malilu; chipwe makolesa ngwe mbonge ya mwilu, hindu yonwonyi munguyihuiumuna hali iye. Chocho kanambe Yehova.

Mukanda Wa Zambi 1970

⁵³ Chibwe Babilone mazezuka kwilu ni kutunga ko mazuwo akukoleka, hindu mungutuma ko atu ni kumubuzula. Yami Mwene Zambi nachamba.”

Jeremia 51:53 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Jobe 20:6

Chipwe malinangamisa ndo kwilu, ni mutwe wenyi muuheta ku malelwa,

Izaya 13:17

Ngunavundula A-Media kulimika no. O keshi kupala prata, keshi kuwaha ni oru.

Izaya 41:25

Navundwile umwe ku Norte mba haneza, ni ku Chivumbuko, mba masanyika ha jina liami. Kumakaliata mianangana ngwe ndambo, ngwe tengi kakuliata uma.

Izaya 47:5

Ena mwana-pwo wa A-Kaletea, twama nikuhola, ukaye ku milima, mumu kechi kakutongola nawa ngwo, Mukwa kuyula mawanangana.

Izaya 47:7

Yiwamba ngwe, Munguyula miaka yeswe, kashika yino yuma kwayisele mbunge, chipwe kwiwuluka songo liayo.

Jeremia 49:16

Mwongo uze nwakunehena akwo hiwanwonga hamwe ni kulengumuka cha mbunge jenu; enu nwatwama mu yivwenge ya mawe, nwazuka kwe ku mbulwa mulundu. Yehova kanambe ngwenyi, Chipwe mukasa walo we kwilu ngwe wa pupa, hindu mungukuchizako.

Jeremia 50:21

Kandukenu nulimike ni chifuchi cha Merateme ni waze atwama mu Pekode. Shihenu, nukakuwise liakulu kunyima yo, nukalinge cheswe yami hinanutumina. Chocho kanambe Yehova.

Jeremia 50:25

Yehova hanazulula chisweko cha yikungo yenyi, hanachizamo yikungo ya ufwatulo wenyi. Mumu Mwene Yehova-wa-Tujita kali ni milimo yimwe kulinga mu chifuchi cha A-Kaletea.

Jeremia 50:45

Kashika ivwenu chize Yehova halulika cha kulimika ni Babilonia, ni yiyulo yize hakolesa ya kulimika ni chifuchi cha A-Kaletea ngwenyi, Chipwe ana-mapanga akepe a ku chendo maambulumuna. Pundu, tanga lio lieswe mulikevwa lwaji mumu ha kufwa cho.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 51:25

Yehova kanambe ngwenyi, kunalimika ni yena mulundu chonwonyi— mukwa kwonwona hashi heswe. Mungwolola kwoko liami kulimika ni yena; mungukuhulumuna ku milundu ni kukupwisa mulundu wa kwocha.

Jeremia 51:48

Mba malilu ni hashi, ni yize yeswe yilimo memba ni uwahililo hali Babilonia, mumu yonwonyi makatuka ku Norte kulimika no. Chocho kanambe Yehova.

Jeremia 51:56

mumu chonwonyi hamuwana, mwe Babilonia; tujita twenyi Hanakwachika, mata jo kanamakwoka mumu Yehova iye Zambi wa kufwetesa. Pundu kumakafwetesa.

Jeremia 51:58

Yehova-wa-Tujita kanambe ngwenyi, Chipanga chinene cha mawe cha Babilonia kumakachipuzula ndo hashi; ni yikolo yenyi yisuku kumakayocha ni kahia. Mavungu kanahondangana mokomoko, minyachi yinalikatalisa ha kahia wika.

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Amose 9:2

Chipwe mafulila ndo ku Shiole hindu kwoko liami mulikaachizako. Chipwe manyina ku malilu mungukaahulumunamo.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.