Jeremia 51:51 - MUKANDA USANDU WA ZAMBI 1975

⁵¹ Hanatukolesa sonyi mumu hitwevwa chize hatuchoka; kusauka hichatufuka meso jetu mumu tundaka hanjila mu yipatulo yisandu ya zuwo lia Yehova.

Mukanda Wa Zambi 1970

⁵¹ Nunambe ngwenu: ‘Haanatulelesa, tunevu sonyi. Tuli ni mulekeleke mumu yilambala haanatambula yibatulo ya chijila mu zuwo lia Zambi.’

Jeremia 51:51 Iomraidhean Croise

Miaso (Masamu) 109:29

Akwa kulimika ni yami akaafuke ni kulelesa. Akalifuke ene ni sonyi jo ngwe malifuka ni hina.

Miaso (Masamu) 71:13

Waze akulimika ni mwono wami akevwe sonyi akajimuke. Waze akufupa kungulemeka akafukiwe ni kuchoka ni kusauka.

Miaso (Masamu) 79:1

Zambi, akwa mavungu hanjila mu chihinga che. Hanajitula tembele ye yisandu. Hapwisa Yerusaleme yikulu.

Miaso (Masamu) 79:12

Mwene, hana yisuho shimbiali kuli waze twatunga no, mwe mu tulo yo, kuchoka chize hakuchoka nacho yena.

Miaso (Masamu) 79:4

Hitunasauka hakachi ka waze twatunga no. Hanatulenye nikutuchimbunguna kuli waze anatujingilika.

Miaso (Masamu) 89:46

Yehova, ndo mwiji muka? Kuswama che muchipwa cha mutolo nyi? Ndo mwiji muka ufwatulo we muulekwoka ngwe kahia?

Izaya 13:1

Chikuma cha Babilonia chize amwene Izaia mwana Amoze.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 21:1

Liji lia kutwala ku puya ya kalungalwiji, ngwo, Chizechene ngwe yijimbi ya mu Negeve yinayi lume, kuchinakatuka ku puya, ku chifuchi kole ni mwongo.

Izaya 47:1

Ena Babilonia, mwana-pwo wa virgem, Palumuka ukatwame mu fufuta. Twama hashi ni ngunja yakuhi, ena mwana-pwo wa A-Kaletea! Mumu kechi kakutongola nawa ngwo, Mwovu kanda mulelu.

Jeremia 14:3

Alemu jenyi kakutuma ngamba jo ku meya; kakwiza ku mashima, keshi kuwana meya, kakuhiluka ni yikwachilo ya upolongo, kakupwa ni sonyi, chakwatatajala, kakutuka mitwe yo.

Jeremia 25:26

Ni mianangana eswe a ku Norte, kusuku ni hakamwihi, umwe ha umwe, ni mawanangana a muno-muze waze ali hashi. Mba muze o hanwa mwe mwanangana wa Babilonia kumanwa.

Jeremia 31:19

Kulutwe lia kuhambuluka nalikonyekene. Muze te hangulongesa nalilambile ha shina lia kulu. Nevwile sonyi, nalitupiekele mumu napwile ni kusauka cha ukweze wami.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Lungungu 2:20

Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Lungungu 5:1

Yehova, iwuluka chize hichatuwana; tala uchimone kusauka chetu.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 36:30

Mungukalumbamisa mihuko ya mitondo ni mbuto ya mu minda; kunuchi kapinda nawa ni sau lia kapunga hakachi ka mavungu.

Ezekiel 7:18

Kakuzala chikeleyi; mwongo waafuka; sonyi jili ha meso eswe; eswe halitewula mitwe.

Ezekiel 9:7

Yamba kuli ayo ngwenyi, Chisenu lie zuwo; Zalisenu yize ni afu; yénu! Chocho yaya, yalamba mu chihunda.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.