Jeremia 51:5 - MUKANDA USANDU WA ZAMBI 1975

⁵ Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Mukanda Wa Zambi 1970

⁵ Yami, Mwene Zambi Mukwa Ndundo Jeswe, chehukile ko Aisraele ni Ayuda, chibwe haananguvulumuna yami, Munangi wa Aisraele.

Jeremia 51:5 Iomraidhean Croise

1 Yitanga Ya Mianangana 6:13

Kumungukatwama hakachi ka A-Izalele. Chichi kwehuka atu jami A-Izalele.

1 MIANANGANA 21:16

Helu lia yino yuma Manase wamwangine manyinga anji, chitela chakuhi, ndo Yerusaleme yeswe yazala chize ku songo limwe ndo ku songo likwo. Chino chapwile helu lia mulonga uze wavulumwishine A-Yunda ha kulinga chipi kumeso ja Yehova.

Ezra 9:9

Mumu tuli ndungo, hindu Zambi katwehukile mu undungo wetu, alioze hatwaha utu wa zango kumeso ja mianangana a Persia atwehe kuhuzuluka tukatunge zuwo lia Zambi yetu, tukatunge nawa haze hanalienyeka tukapwe ni chipanga-cha-mawe mu Yunda ni mu Yerusaleme.

Miaso (Masamu) 94:14

Mumu Yehova kechi kumbila atu jenyi. Kechi kwehuka chihinga chenyi.

Izaya 44:21

Iwuluka yino yuma Yakomba, ni Izalele, mumu uli kavumbi kami. Nakuwumbile, Izalele, uli kavumbi kami. Chichi kakuvulama.

Izaya 51:15

Mumu yami nguli Yehova Zambi yenu, mukwa kuvundula kalunga-lwiji ndo mikanya yenyi muyikachungula— jina lienyi Yehova-wa-Tujita.

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Jeremia 14:19

Hiunalitunu Yunda liakulu? Mbunge ye kuyazangile nawa Zaione? Kuchi te hiunatulambe ni kuwuka chakuhi? Twataliletalile uhwimino alioze chipema nichimwe kuchejile. Twataliletalile mwaka wa kuwuka alioze mwongo wejile.

Jeremia 14:9

Kuchi te unapu ngwe umwe kanakakashana, ngwe umwe mukwa ndundo yoze kahashile kulamwina? Hindu, Yehova, uli hakachi ketu, ni yetu hatuluka jina lie. Kanda utwehuka.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 23:15

Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Jeremia 31:37

Yehova kanambe ngwenyi, Nyi mahasa kweseka malilu, nyi mahasa kupolongoza ku fundamentu ya hashi mba mungumbila waze eswe masemukina kuli A-Izalele mumu ha yize yeswe halinga. Chocho kanambe Yehova.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Jeremia 50:20

Yehova kanambe ngwenyi, Ha matangwa aze ni ha mwaka uze makafupa uhenge mu Izalele alioze kechi kawana niumwe; makafupa shili mu Yunda, alioze kechi kawana niyimwe; mumu mungukonekena waze ngunahichika ngwe masalila.

Jeremia 51:19

Yoze wapwa chihinga cha Yakomba kapwile ngwe wano, mumu iye wawumbile yuma yeswe, Izalele lie vungu lia chihinga chenyi, jina lienyi Yehova-wa-Tujita.

Ezekiel 8:17

Yamba kuli yami ngwenyi, Mwana mutu, hiwamona chino? Kumanyi chakeha naye kuli akwa munyachi wa Yunda kulinga yuma ya lwaji yize analingi kuno, akawezele nawa kuzalisa chifuchi ni upupilo, ni kungwihia nawa chikwo? Mba kanase mutondo ku mazulu jo!

Ezekiel 9:9

Aye yamba kuli yami ngwenyi, Uhie wa munyachi wa Izalele ni wa Yunda unene Wahiana. Chifuchi chazala ni manyinga ni chihunda chazala ni uhenge, mumu kakwamba ngwo, Yehova hanakatuka mu chifuchi; Yehova kamweneko.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Hosea 2:1

Amba kuli mandumbu je a malunga ngwe, Ami. Amba kuli mapangie ngwe, Ruhama.

Hosea 2:3

Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Zakaria 12:6

Ha tangwa lize mungukapwisa akwa minyachi ya Yunda ngwe ndeho ya kahia hakachi ka kunyi; ngwe soka lia kahia lia kulekwoka hakachi ka yichita ya mwambu. Kumakalalisa mavungu eswe a kwajingilika ku sali lia chindume ni lia chimeso, shimbu Yerusaleme muyitwama ni atu jamo lume, mwe mu Yerusaleme.

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Zakaria 2:12

Mba Yehova mahinga Yunda ngwe chihinga chenyi mu chifuchi chisandu, matongola Yerusaleme nawa.

1 Samuel 12:22

Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.