Jeremia 51:47 - MUKANDA USANDU WA ZAMBI 1975

⁴⁷ Talenu kashika, matangwa kaneza muze mungulamba tuponya twa mu Babilonia. Chifuchi cheswe munguchikolesa sonyi, ni waze maashiha malimbuka muli iye.

Mukanda Wa Zambi 1970

⁴⁷ Kashika tangwa kulineza lize mungubalwola mahamba ja Babilonia. Atu eswe mu chifuchi sonyi meevwa, eswe maashiha.

Jeremia 51:47 Iomraidhean Croise

Izaya 21:9

Kumanyi akwa tuvwalu, aali ha aali. Mba yakumbulula ngwenyi, Babilonia hanunguka, hanunguka! Ni tuponya twa mazambi jamo hanapalwola hashi.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 23:34

Mba ha kutwala kuli profeta, hanji sasendote, hanji umwe hakachi ka atu yoze mamba ngwenyi, Chino chiteli cha Yehova, munguhana kastigu kuli yono lunga ni akwa zuwo lienyi.

Jeremia 25:12

Mba ha kuhwa makumi shimbiali a miaka munguhana kastigu kuli mwanangana wa Babilonia ni vungu lienyi, chifuchi cha A-Kaletea, mumu ha uhenge wo, ni kupwisa chifuchi cha kwenyeka ndo ku miaka. Chocho kanambe Yehova.

Jeremia 50:2

Amba ku mavungu nikukololoka; mika mbandeira nikukololoka; kanda uchisweka, amba ngwe, Babilonia hanayitambula, Mbele hanamukolesa sonyi, Merodach kanatatajala. Tuponya twenyi hanaakolesa sonyi, mahamba jenyi kanatatajala.

Jeremia 51:18

Kafwikile nichimwe; chitanga chimwe cha kwonga; ha mwaka wa kastigu yo makakuwa.

Jeremia 51:24

Mungufwetesa Babilonia ni waze eswe atwama mu Kaletea, kumeso jenu, ha yipi yeswe halinga mu Zaione. Chocho kanambe Yehova.

Jeremia 51:43

Yihunda yenyi hiyalumuka yuma ya mwongo, chifuchi chenyi cha changa ni puya, chifuchi kuze kukushi atu, kuze niumwe mwana mutu keshi kupalika.

Jeremia 51:52

Kashika Yehova kanambe ngwenyi, Matangwa kaneza muze mungulinga upatwilo wami ha tuponya twenyi, ni ndusu mu chifuchi chenyi cheswe waze haatwila mbandu matwa mikuma.