Jeremia 51:34 - MUKANDA USANDU WA ZAMBI 1975

³⁴ Nabukanezore mwanangana wa Babilonia hangulia, hangufwenya, hangupwisa mulondo wamokomoko, hangumina ngwe ngongo munene, hazalisa jimo lienyi ni yuma yami yipema mba hangumbila.

Mukanda Wa Zambi 1970

³⁴ Mwanangana wa Babilonia hanabatula Yerusaleme, hanamuli. Hananu limbo ngwe yuma ya mu mulondo; hanaliminya ngwe ngongo. Hanatambula yize anazange, hanambila yize yasala ho.

Jeremia 51:34 Iomraidhean Croise

Jobe 20:15

Kakumina upite nikuusaza nawa; Zambi kakuuchiza muchima lienyi.

Miaso (Masamu) 74:13

Wapulile kalunga-lwiji ni tachi je. Watokwele mitwe ya tushitu anene a mu meya.

Yishima 1:12

tukaamine a mwono ngwe Shiole, tukaamine a muwundu ngwe waze akupalumuka ku jondo.

Izaya 34:11

Alioze toji ni chisekele machizuka; chikungulu ni chikwakwalo matungamo. Kumakachifunjika ni muhipu wa kutatajala; alemu jacho maeseka ni prumo ya ulumbuke.

Izaya 42:22

Alioze wano kapwa munyachi wa kweya ni kwapupa. Eswe kanakwachika mu mena, kanaahengeka mu mazuwo a ususu. Hanakwachika kuli akwo ni yoze maapulula wakuhi; hapwa ngwe a kupita, ni yoze mamba ngwenyi, Hilwisenu, wakuhi.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 50:7

Waze eswe haawana haalia, ni akwa kole jo hanambe ngwo, Etu kutushi mutonga, mumu hanavulumuna Yehova, kuma kwo kwamwenemwene kwa kutwama, mwe Yehova kutalatala wa tulamba two.

Jeremia 51:44

Mbele mu Babilonia mungumwaha kastigu. Mungumuchiza mu kanwa chize hamina. Mavungu keshi kuya kuli iye nawa ngwe lwiji; chipanga cha Babilonia cha mawe hichapuzuka.

Jeremia 51:49

Chatamba Babilonia kupuzuka mumu hali A-Izalele waze ashihile, chizechene ngwe ha mukunda wa Babilonia akwa hashi heswe hanalimbuka a kushiha.

Lungungu 1:1

Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Lungungu 2:16

Akwa kole je eswe kanakutuku; kanasozana, ni kulisumasuma ku mazo ngwo, Hitwamwonwona! Lie tangwa twatwaminyinyine lino, mba hitwapwa nalio, hitwalimona.

Ezekiel 36:3

kashika profeteza wambe ngwe, Mwene Yehova kanambe ngwenyi, Ha chikuma chino chene, mumu anupwishile a kwenyeka nikunupalakenya sali ni sali, chocho hinwalumuka upite wa akwa mavungu akwo, hinwalumuka pande ni saki ja atu,

Hosea 8:8

Izalele hanamuli; hanayi kulu hakachu ka mavungu, ngwe chisashili.

Amose 8:4

Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Nahume 2:2

(Mumu Yehova kanahilwisa nawa ulamba wa Yakomba ngwe ulamba wa Izalele. Se yingumba hanaahulula ni kulumbula mitango yo.)

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.